"- Qojatay-au, tamaghyndy iship ketsenshi.

- Birinshi sabaq Rahmanov aghaydyki. Keshiguge bolmaydy.

- Rahmanov, Rahmanov... Nemene sonsha, Rahmanovyng Qúday ma, әlde Múhammed payghambar ma?"

Osy dialog bәrimizge jaqsy tanys. "Tarbandaghan baqasy qúrghyr tarbandap baryp sómkege ózi kirip ketken shyghar? Soghan da bizding Qojatay kinәli me eken?" - deytin jeri tipti ghajap. Qansha jerden "bilimge qúshtar" bolsa da, tarbandaghan pәlening mektepti óz ayaghymen tauyp baruy, Mayqanovanyng sómkesin әdeyi izdep kirip aluy mýmkin emes qoy. Biraq qalayda nemeresin qorghashtap, aqtap alghysy kep túrghan qamqor әje ýshin bәri mýmkin. Ájening bauyrynda ósken biz ýshin de esh qisynsyz emes siyaqty ma, qalay...

Áje beynesin shynayy somdaghan jan - Qazaq KSR-ining enbek sinirgen artiysi ZAGhY QÚRMANBAEVA. Ol 1903 jylghy 13 mausymynda Almaty manyndaghy Qojmәmbet auylynda dýniyege kelipti. Aktrisa shiyrek ghasyr boyy Áuezov teatrynda enbek etken. Onyng sahnalyq obrazdar galereyasynda san qily keyipkerler kezdesedi, alayda Zaghy apanyng eng el esinde qalghan rólderi - ana, әje beyneleri. Ol jas kýninen aktrisa boludy armandaghan, ózi kórgen spektakliderdegi monologtardy, dialogtardy jattap alyp, aityp jýrgen. Aqyry Almatydaghy drama ýiirmesine jazylyp, týrli ról oinaudy, әn aitudy, kýy shertudi ýirengen. Ózining shynayy, naqty, tabighy oiynymen birden kózge týsken.

1928 jyly astananyng auysuyna oray Qazaq drama teatry Qyzylordadan Almatygha kóship keledi. Zaghy endi naghyz maytalmandardyng oiynyn sahnadan jii tamashalap, óz sheberligin de shyndaugha mýmkindik alady. Jas ta daryndy aktrisanyng qabiletin әigili rejisser Júmat Shanin de joghary baghalap, újymgha shaqyrady. Onyng "әkemteatrdaghy" alghashqy róli - I.Jansýgirovting "Kek" piesasyndaghy Ýndemes beynesi edi. Býdan keyin M.Áuezovting "Týngi sarynynda" - Dildә, "Qaraqypshaq Qobylandysynda" - Analyq, "Abayynda" - Zere, Gh.Mýsirepovting "Aqan seri-Aqtoqtysynda" - Dәmeli, "Qozy Kórpesh pen Bayan súluynda" - Kýnikey obrazdaryn somdady. Onyng keyipkerlerine tәn ortaq erekshelik - qarapayymdyq, shynayylyq, ashyqtyq edi.

1952 jyly ol oinaghan "Abay" spektakli KSRO Memsyilyghyna ie boldy. 1959 jyly zeynettik demalysqa shyqty. Biraq ózi qaytys bolghan 1975 jylgha deyin sahnamen qosh aitysqan joq...

Sәken Sybanbaydyng jazbasy

Abai.kz