16-mausym kýni Putin men Baydenning kezdesui ótti. Kýlli әlem kóz tikken kezdesu Shveysariyanyng Jenevasynda ótti. Basty súraq Bayden halyqaralyq qaghidalardyng barlyghyn búzyp, qalyptasqan geosayasy oiyn erejelerin eskermesten әlemdik qauipsizdikke tútas qauip tóndirip otyrghan Putinmen qay tilde, qanday ekpinde sóilesedi degen negizde boldy.

Jenevanyng basty kóshesinde Resey diplomattarynyng ótu marshrutyna say arnayy sayasy úrany bar sózder ilindi. Onda Navalinyigha qatysty sózder jazylghan. "Navalinyidy novichokpen ulady. Osy kýnge deyin әli zertteu jýrgizilmedi. Qalaysha, preziydent Putiyn?" degen ýsh sóilemdi ýsh bannerge bólip, Jenevanyng qaq ortasyna sayasy belsendiler ornalastyrghan.

Baydenning úshaghy Shveysariyagha 15 mausym kýni kelip jetti. Dәl osy uaqytta reseylik delegasiyanyng bir bóligi de Jeneva aspanynda bolatyn. Alayda әuejay Bayden úshaghyn qabyldap jatqandyqtan, reseylik delegasiyagha bir saghat ainalyp úsha túrugha kenes berdi. Búl әreketti Resey sarapshylary "kemsitu jәne qasaqana oilastyrylghan" dep qabyldady.

Kezdesu Jenevadaghy La-Granj villasynda ótti. Aldyn-ala kelisilgen hattama boyynsha Resey men AQSh preziydentterin Shveysariya preziydenti kýtip aldy. Hattamagha say birinshi Resey preziydenti keldi. Aragha 15 minut salyp AQSh basshysynyng kóligi La-Granj villasyna kelip jetti. Ádettegidey Shveysariya basshysy Gy Parmelen Baydendi kýtip aldy. Hattamagha say Resey, AQSh, Shveysariya basshylary birlesken suretke týsip, eki el basshysynyng jabyq formattaghy kezdesui bastaldy.

Putin men Bayden ortaq press-konferensiya ótkizbedi. Sebebi Vashington ony qajet dep tappaghan bolatyn. Kezdesu josparlanghan uaqyttan 1 saghat búryn ayaqtaldy. Eki el basshysy qysqa formatty kezdesuden keyin, keneytilgen formatta kezdesu ótkizdi. Qysqa format La-Granj villasynyng kitaphanasynda úiymdastyryldy. Oghan alty adam, eki audarmashy jәne Resey tarapynan Putin men Lavrov, AQSh-tan Bayden men Blinkin qatysty.

Jurnalister kezdesu aldynda Baydennen "Putinge senesiz be" dep aighaylap súraghan edi. Sebebi arnayy jurnalisterdi villanyng kezdesu ótetin bólimine kirgizbegen bolatyn. Atalmysh súraqqa Bayden bas iyzep jauap qatqanday boldy. Alayda "Aq ýidin" baylanys boyynsha basshysy Keyt Bedingfild Bayden súraqqa bas iyzep, jauap qatpaghanyn jetkizip otyr. Búl boyynsha ol: "Ol jerde jurnalister ishke kirgisi kelip, bir-birin iyterip jatty. AQSh basshysy týrli qoyylyp jatqan súraqtardyng birine de jauap qatpady, ol jurnalisterge riza ekenin bildiru maqsatynda basyn iyzedi. Ol eki kýn búryn konferensiyada jauap berip tastaghan. Aldymen tekseru, artynsha senu formatyn ústanatynyn aitqan bolatyn", - dep jazdy ol Tvitter paraqshasyna.

Jabyq formattaghy kezdesuden keyin keneytilgen formattaghy kezdesu jalghasyn tapty. Jalpy jiyntyghy eki el basshysynyng kezdesui 3.5 saghatqa sozyldy. Sarapshylar kemi 5 saghattyq kezdesu bolady dep boljaghan edi, alayda olay bolmady. Keneytilgen formattaghy kezdesudegi alghashqy jariyalanghan resmy suretke qarap, sarapshylar onyng auyr sipatta ótip jatqanyn jetkizdi.

Resmy kezdesu barysy tolyq kórsetilmedi. Hattamagha say eki el basshysy onasha negizde jurnalisterding súraqtaryna jauap berdi. Birinshi bolyp Putin jurnalisterding aldynda sóz sóiledi.

Putinning jauaby sol eski sarynda boldy. "Reseydegi adam qúqyghyn aitpas búryn, AQSh-ta kýn sayyn adam ólip jatqanyn nege aitpaysyndar" degendey sóz aitty. Ukraina boyynsha "Minsk kelisimi" basshylyqqa alynuy tiyis, Navalinyy isi boyynsha aitar bolsam ol qylmys jasady, biz kiybershabuyl jasamadyq" degen sol búrynghy әnine basty.

Bayden press-konferensiyasyna reseylik jurnalisterdi qatystyrmady. Baydenning jauaby da ózindik pozisiyadan aityldy. Eng ereksheligi "Resey men AQSh Irannyng yadrolyq qarudy iyemdenbeui jolynda birlese júmys jasaydy" dep mәlimdedi. Resey tarapy búl mәlimdemege qatysty naqty jauap bermedi. Alayda búl ras bolsa, onda Resey ózining bir beyresmy Siriya mәselesi boyynsha odaqtasyn joghaltyp aldy degen sóz. Búl Mәskeuding kelissóz basyndaghy eng ýlken jenilisi bolar.

Eki el basshysynyng kezdesui aitarlyqtay janalyqqa toly bolmady. Búrynghy әuen. Búl kezdesu mәselelerdi retteu emes, qos basshynyng bir-birining tamyryn basyp kóru bolsa kerek. Basty nәtiyje retinde eki ghana naqty qadamdy atasaq bolady. Ol Resey-AQSh diplomattarynyng júmys oryndaryna qayta oralatyndyghy jәne yadrolyq soghys bolmau maqsatyndaghy kelissózderdi jaqsartugha negizdelgen ortaq qújatqa qol qoy. Boldy.

Bayden "AQSh oraldy" úranyn ústanuda. Sol maqsatta ol Resey basshysymen kezdespes búryn "Ýlken jetilikpen" kezdesip, NATO elderining basshylarymen kelissózder ótkizdi. Europa boyynsha ýlken tur jasady. Sondyqtan Resey basshysymen kezdesude ne aitatyny, qay pozisiyany qatang ústaytyny aldyn-ala naqtylanyp qoyghan. Pozisiya aiqyn: Reseyding halyqaralyq oiyn erejesin búzuyna endi AQSh kónbeydi, erkeligin kótermeydi.

Ka myrza

Abai.kz