"Islamizm - Batys elderi ýshin basty qauip" dedi Úlybritaniyanyng búrynghy premier -ministri Tony Bler. 

6-qyrkýiekte Tony Bler Korolidik birlesken qauipsizdik jәne qorghanys ghylymiy-zertteu institutynda sóz sóiledi. Onyng bayandamasy Instituttyng saytynda jariyalanghan.

Blerding aituynsha, radikaldy iydeologiya men ol tudyratyn zorlyq-zombylyq birinshi kezektegi qauip bolyp qala bermek. Ol eger әlem qauip -qaterding taraluyn tejeytin kýsh tappasa, 2001 jyldyng 11 qyrkýiegindegi shabuyldar qaytalanuy mýmkin ekenin atap kórsetedi.

"Aughanstandaghy zandy rejim qúlaghannan keyin, әlemning jetekshi elderi islamizmge qarsy kelisilgen strategiyany әzirleu ýshin birigui qajet. Alghashqy talqylaulardy negizinen Batys elderi jýrgizetin bolsa da, Resey men Qytay da búl iydeologiyamen kýresuge mýddeli, jәne biz músylman elderinde, onyng ishinde Tayau Shyghys elderining diny ekstremizmnen bostandyqqa shyqqysy keletin bizding eng adal odaqtastarymyzdy taba alamyz", - deydi ol.

Onyng aituynsha, Europa men NATO ýshin taghy bir qiyndyq - búl AQSh-tyng әskery operasiyalaryn qysqartugha degen úmtylysy bolyp otyr. Ol Vashingtonnyng qoldauynsyz operasiyalardy jýrgizu qabiletin damytu qajet dep sanaydy.

"Mening oiymsha, songhy uaqyttardyng eng ýreyli tendensiyalarynyng biri-batystyng strategiya qúru qabiletinen aiyrylghanyn jәne qysqa merzimdi sayasy maqsattar úzaq merzimdi josparlaudy tolyghymen almastyrdy degen sezim bolyp otyr. Meninshe, búl sezim bәrinen de bizding odaqtastarymyzdy alandatady jәne qarsylastarymyzgha bizding uaqytymyz ótti dep sendiredi" deydi búrynghy Úlybritaniya basshysy.

Úlybritaniya tәlibtermen kelissóz jýrgizuding qajeti joq dep sanaytyn elding biri. London Aughanstannan 15 mynnan astam aughan azamattary men óz jasaqtaryn evakuasiyalaghan bolatyn. Endigi tanda ÚLybritaniya Aughanstan jerinen jasaluy mýmkin terrorlyq qauipterge alandaydy.

Abai.kz