Qazaqstan Reseyden «Sputnik Layt» vaksinasyn satyp alugha niyetti. Búl turaly býgin densaulyq saqtau ministri Aleksey Soy mәlimdedi. Degenmen «Sputnik Layt» vaksinasy DDSÚ tarapynan moyyndalmaghan, sәikesinshe tiyisti sertifikaty joq vaksina týrine jatady. 

Resey vaksinasyn Qazaqstan birinshi bolyp satyp alghandardyng qatarynda. Elimiz jappay vaksinasiyalaudy dәl osy Reseylik «Sputnik V» vaksinasynan bastady. 10 mln doza vaksina satyp alyndy, búl 5 mln adamdy tolyq vaksinasiyalaugha jetetin kórsetkish. Tipti otandyq «KazVak» vaksinasynyng óndirisine qaramastan, Qazaqstan vaksinasiyalauda Reseylik ónimge senim artty.

Resey vaksinasyn satyp aludy sayasy sheshim dep sanaytyndar da bar. Sebebi «KazVakty» densaulyq saqtau ministri Aleksey Soy salsa, Reseylik «Sputnikti» el preziydenti Qasym-Jomart Toqaev pen Elbasy Núrsúltan Nazarbaev saldy. Osylaysha Reseylik ónimge degen qoghamda senimdilik arta týsti.

Alayda Reseylik «Sputnik V» vaksinasyn DDSÚ әli resmy moyyndaghan joq. 2021 jyldyng qyrkýieginen bastap, búl vaksinagha degen senim de azaydy. DDSÚ arnayy ókilderi vaksinany jasau ortalyqtarynan birneshe talapqa qayshylyqty bayqap, vaksinany moyyndaudy belgisiz uaqytqa deyin shegerip tastady.

Batys ghalymdary «Sputniktin» jalpy effektivtiligi men jasalu jyldamdyghyna kýmәnmen qaraydy. «Sputnik V» 2020 jyldyng 11 tamyzynda jyldam arada Reseyde tirkeuden ótti, oghan deyin ol eki fazaly klinikalyq synaqtan ótken bolatyn. Alayda talapqa say vaksinalar ýsh fazaly synaqtan ótui tiyis edi. Álemdegi alghashqy koronavirusqa qarsy vaksinagha bar-joghy 76 erikti qatysqan bolatyn. Búl óte az kórsetkish sanalady, sebebi vaksina synaghyna DDSÚ negizgi hattamasy boyynsha 3 myng erikti qatysyp, olar kemi 4 ay baqylauda boluy tiyis. Resey búl әreketin uaqyt tapshylyghymen týsindirdi.

Batys sarapshylary «Sputnikti» ekinshi fazada Reseyde tirkep jiberui ýlken qatelik deydi. Mysaly «BioNTech» (Pfizer) vaksinasyn synaqtan ótkizu ýshin ekinshi kezenge 456 eriktini, «Moderna» 600 eriktini qatystyrghan, alayda olar synaqtan sәtti ótse de, ekinshi kezende bolghandyqtan vaksinany tirkeudi keyinge qaldyrghan.

Resey densaulyq saqtau salasy keyin «Sputniktin» ýshinshi kezenin synaqtan ótkizgenin jariyalady. Olar Covid-19-gha qarsy vaksinany synaugha 18 794 erikti qatysqanyn, olardan tek 39 adam ghana virus júqtyrghanyn aitty. Al «Pfizer» 43 myng eriktining tek qana 170-i virus júqtyrghanyn aitqan bolatyn. Alayda taghy bir sәikessizdik anyqtaldy, ol Resey vaksinasynyng synaghyna qatysqan eriktilerding sanynyng kestelerde sәikes bolmauy.

Álem boyynsha medisina salasyndaghy jetistikterdi jariyalaytyn «Lancet» jurnaly «Sputniyk» jayynda jazdy. Degenmen ghalymdar «Sputniyk» boyynsha habarlamagha kónilderi tolmaytynyn, aqparattyng naqty emestigin atap ótti. Jurnaldaghy maqalada bastapqy synaqqa 120 erikti tartylghany, alayda olardan tek qana 100 erikti tandalyp alynghany aitylady. Degenmen «ekinshi synaqtan tek 76 erikti ótken, sonda qalghan 24 erikti qayda ketti», - deydi ghalymdar.

Reseylik vaksinanyng quatyna qatysty súraqtar jeterlik. Mysaly sonyng biri qazirgi tandaghy Reseydegi epiydemiologiyalyq jaghdaydyng ushyghuy bolyp otyr. Resey pandemiya bastalghaly beri tәuliktik kórsetkish boyynsha ólim sanynan kósh bastady. Qazir kýnine orta eseppen 1200-1250 adam virustan kóz júmuda.

Resey vaksinasyn satyp alu arqyly Qazaqstan DDSÚ moyyndamaghan ekpeni almaq. Búl degenimiz sheteldik sayahat barysynda qosymsha PTR tapsyru degendi bildiredi.

Ka Myrza

Abai.kz