Bas prokuraturanyng birinshi qyzmet bastyghynyng orynbasary Eldos Qilymjanovtyng aituynsha, onyng ishinde 44 is – terrorizm boyynsha, 36 is – jappay tәrtipsizdik, 15 - adam óltiru baby boyynsha ashylghan. Odan bólek, úrlyq, tonau, qarudy jymqyru, biylik ókiline kýsh qoldanu jәne taghy basqa qylmystar boyynsha ister tirkelgen.
– Osy ister boyynsha 970 kýdikti qamaugha alynghan. Onyng ishinde 782-si sot sanksiyasymen qamalghan. 29-yna ýiqamaq týrindegi búltartpas jazasy qoldanylghan. 464 adam – terrorizm jәne jappay tәrtipsizdik isteri boyynsha ústalghan. 226 adam – úrlyq, 60 adam - qarudy zansyz saqtau, 39 adam - qarudy jymqyru, 25 adam - búzaqylyq, 21 adam tonau derekterimen qamaugha alynghan, – dedi Eldos Qilymjanov.
Brifingte aitylghan negizgi mәlimetter:
- Prokurorlar Almatydaghy uaqytsha qamau izolyatoryn teksergen kezde dene jaraqaty bar 73 adamdy anyqtaghan. Ýsheui bosatylghan. Oq jaraqaty bar 29 adam qalalyq auruhanagha jatqyzylghan. 41 adam tergeu izolyatorynda medisinalyq kómek alghan.
- Qúqyq qorghaushylar men Adam qúqyqtary jónindegi uәkilge ústalghandar men qamalghandargha kiru mýmkindigi berilgen.
- Prokuraturagha azaptau men azamattardyng qúqyqtaryn búzu boyynsha 91 shaghym týsken. 19 shaghymdaghy mәlimet rastalmaghan, 56-sy tergelip jatyr.
- Ústalghandardy azaptau, óltiru jәne olargha qatysty biylik ókiletin asyra paydalanu baptary boyynsha 16 qylmystyq is ashylghan.
- Advokattargha qorghauyndaghy azamattarmen kezdesu mýmkindigi berilgen, sәlem-sauqattar әdettegidey qabyldanyp jatyr.
- Atyrau men Qyzylorda qalalarynda tergeu izolyatoryna qamalghan eki adam medisinalyq kómekke zәru bolghandyqtan auruhanagha jatqyzylghan.
Qazaqstanda qantar oqighasy boyynsha ústalghandardy azaptau men qysym kórsetuge qatysty shaghymdar kóbeygen tústa Bas prokuratura men Qylmystyq-atqaru jýiesi komiyteti ókilderi osynday mәlimdeme jasap otyr. Qúqyq qorghaushylardyng aituynsha, qaza bolghandar, jaralanghandar jәne ústalghandar arasynda beybit túrghyndar bar.
Jýzdegen belsendi "beybit miting zanyn búzdy", "jappay tәrtipsizdik úiymdastyrdy" degen aiyppen jazalanghan.
Jergilikti jәne halyqaralyq qúqyq qorghaushylar biylikti beybit sheruge qatysqan, pikirin aitu qúqyghyn jýzege asyrghysy kelgen azamattardy qudalamaugha, olardy dereu bosatugha shaqyrghan.
Halyqaralyq úiymdar Qazaqstan biyligining halyqqa kýsh qoldanuyn ayyptap, Europarlament Qazaqstan sheneunikterine sanksiya salu mәselesin qarastyryp jatyr.
Abai.kz
