Keshe tirkelmegen Demokratiyalyq partiyanyng jetekshisi Janbolat Mamay birikken oppozisiya qúrylghanyn ózining Facebook paraqshasynda jariyalady. Ol el patriottaryn odaqqa qosylugha shaqyrdy.

«Biz, Qazaqstannyng demokratiyalyq kýshteri, halyq mýddesin qorghau ýshin bas biriktirip, birlesip әreket etuge sheshim qabyldadyq.

Qantar qyrghyny túsynda jýzdegen adam eshbir tergeu men sotsyz atyldy, týrmege qamaldy jәne adam aitqysyz azaptaugha úshyrady. Jyl basynda ondaghan myng adam beybit týrde alandargha shyqqan tústa, Nazarbaev — Toqaev rejiymi narazylyqty asqan qatigezdikpen basyp, adam qúqyghy men bostandyghyn ayaqqa taptady, Diktatorlyq rejim beybit halyqty qangha bóktirip, beybit mitingilerdi jauyzdyqpen taratty.

Ókinishke qaray, dәl sol kezde narazylyqty basqara alatyn halyqtyng ókiletti organy jәne rejim opponentterin biriktire alatyn úiymy bolghan joq. Naqty talaptardy qoyatyn jәne halyqty erte alatyn ýilestiru ortalyghy nemese oppozisiyalyq kýshterding birikken kenesi bolmady.

Opoozisiyalyq kýshter bas biriktirui tiyis degendi halyq kópten aityp jýr. Demokratiyalyq kýshterding birikken ortalyghynyng qajettiligi de sózsiz. Qantardyng basynan biz, Qazaqstan demokratiyalyq oppozisiyasynyng ókilderi, ózara kelissózder jýrgizip, biraz aqyldastyq. Kóp mәseleni talqyladyq. Qoghamdy jik-jikke bólu ýshin biylik osy aralyqta ózderin «oppozisiya» qataryna jatqyzghysy keletin týrli sayqymazaqtardy shygharyp, birneshe úiymdy qúryp ýlgerdi. Endi biz bas biriktirip, belsendi әreketke kóshpesek, búl últtyq mýddege qarsy әreket bola ma dep qauiptenemiz.

Sondyqtan, biz, Qazaqstannyng demokratiyalyq oppozisiyasynyng ókilderi, biriguding bastalghanyn mәlimdeymiz. Búdan bylay biz bir tudyng astyna jinalyp, «Birikken qazaq oppozisiyasynyn» atynan әreket etemiz”, - dep jazdy ol. Mamay birikken oppozisiyanyng negizgi maqsaty – «Qazaqstanda parlamenttik basqaru jýiesin engizu» dep habarlady.

Abai.kz