Sheru moderatory Altyn Kapalovanyng mәlimdeuinshe, Yugoslaviya, Irak, Yemen, Liviya, Siriya, Aughanstan jәne Ukrainadaghy soghystar osy elderdegi halyqtardy qasiretke batyrdy.

"Ezgidegi halyqty bosatu, әielderdi qorghau" degen jeleumen soghys ashqanyn kórdik, onda әielder men balalar qaza tauyp, ashyghyp, ýiden ketuge mәjbýr boldy", - dedi sheru jetekshisi.

Beybit sheru Bishkektegi "Resey" kinoteatry aldynda bastaldy.

Sheru qarsanynda milisiya qyzmetkerleri aksiyagha qatysushylardan sayasy úrandar jazylghan plakattardy, sonymen birge Ukraina men Resey tularyn alyp tastaudy talap etti. "Qyrghyzstan beytarap ústanymda qalady", - dep mәlimdedi milisiya qyzmetkerlerining biri. Azattyq radiosy Qyrghyz qyzmeti tilshisining esepteuinshe, aksiyagha birneshe jýz adam qatysty.

Búnyng aldynda túrghyndar Reseyding Bishkektegi elshiligi aldyna birneshe mәrte jinalyp, soghysty toqtatudy talap etken. 5 nauryzda milisiya elshilikke kelgen bir azamatty ústap, oghan 3 myng som aiyppúl salghan.

Reseyding qaruly kýshteri 24 aqpanda Vladimir Putinning búiryghymen Ukrainagha basyp kirdi. AQSh pen Batys elderi Mәskeuge qatang sanksiyalar jariyalady. Jýzdegen korporasiyalar men brendter Reseydegi kәsibin toqtatqanyn jariyalady.

Abai.kz