شەرۋ مودەراتورى التىن كاپالوۆانىڭ مالىمدەۋىنشە، يۋگوسلاۆيا، يراك، يەمەن، ليۆيا، سيريا، اۋعانستان جانە ۋكرايناداعى سوعىستار وسى ەلدەردەگى حالىقتاردى قاسىرەتكە باتىردى.

"ەزگىدەگى حالىقتى بوساتۋ، ايەلدەردى قورعاۋ" دەگەن جەلەۋمەن سوعىس اشقانىن كوردىك، وندا ايەلدەر مەن بالالار قازا تاۋىپ، اشىعىپ، ۇيدەن كەتۋگە ءماجبۇر بولدى", - دەدى شەرۋ جەتەكشىسى.

بەيبىت شەرۋ بىشكەكتەگى "رەسەي" كينوتەاترى الدىندا باستالدى.

شەرۋ قارساڭىندا ميليتسيا قىزمەتكەرلەرى اكتسياعا قاتىسۋشىلاردان ساياسي ۇراندار جازىلعان پلاكاتتاردى، سونىمەن بىرگە ۋكراينا مەن رەسەي تۋلارىن الىپ تاستاۋدى تالاپ ەتتى. "قىرعىزستان بەيتاراپ ۇستانىمدا قالادى", - دەپ مالىمدەدى ميليتسيا قىزمەتكەرلەرىنىڭ ءبىرى. ازاتتىق راديوسى قىرعىز قىزمەتى ءتىلشىسىنىڭ ەسەپتەۋىنشە، اكتسياعا بىرنەشە ءجۇز ادام قاتىستى.

بۇنىڭ الدىندا تۇرعىندار رەسەيدىڭ بىشكەكتەگى ەلشىلىگى الدىنا بىرنەشە مارتە جينالىپ، سوعىستى توقتاتۋدى تالاپ ەتكەن. 5 ناۋرىزدا ميليتسيا ەلشىلىككە كەلگەن ءبىر ازاماتتى ۇستاپ، وعان 3 مىڭ سوم ايىپپۇل سالعان.

رەسەيدىڭ قارۋلى كۇشتەرى 24 اقپاندا ۆلاديمير ءپۋتيننىڭ بۇيرىعىمەن ۋكرايناعا باسىپ كىردى. اقش پەن باتىس ەلدەرى ماسكەۋگە قاتاڭ سانكتسيالار جاريالادى. جۇزدەگەن كورپوراتسيالار مەن برەندتەر رەسەيدەگى كاسىبىن توقتاتقانىن جاريالادى.

Abai.kz