Keshe kýlli әlem dýr silkindi. Resey әskerining qylmysynan, Resey sarbazdarynyng jauyzdyghynan Ukraina esengirep qaldy. Bucha, Irpeni, Gostomeli qalalaryn azat etkennen keyin, Ukraina jasaqtary súmdyq kórinisting kuәsi boldy. Qala kóshelerinde beybit halyq qyrylyp jatty. 

24-aqpan kýni Resey Ukrainagha qarsy basqynshylyq soghysyn bastady. Soghysty jyldam ayaqtau maqsatynda Resey basshylyghy Kiyev manyndaghy kishi qalalargha arnayy jasaq jetkizip, sol arqyly el astanasyn jan-jaqtan qyspaqqa almaq boldy. Sondyqtan Kiyevke jaqyn ornalasqan Bucha qalasyna shabuyl jasap, 25-aqpanda desanttyq kýshterin jetkizuge tyrysty. Qala kóshelerinde qiyan-keski shayqas bastaldy. Qala Ukraina jasaqtary men Resey basqynshy kýshterining arasynda birneshe mәrte basyp alu jәne azat etudi kórdi. Alayda nauryz aiynyng ortasynan bastap qala reseylik kýshterding qolyna ótti.

Nauryz aiynyng sonynda Resey әskeri Kiyev oblysynan shegine bastady. Úzaq uaqyt qorghanysta túrghan Kiyev manyndaghy Ukraina jasaqtary qarsy shabuylgha shyghyp, Resey әskerin yghystyrdy. Resey әskery jasaqtary qalalardan shegine otyryp, ghimarattar men manyzdy nysandardy minalady. Artilleriyalyq soqqynyng astynda qalghan basqynshy jasaqtary 1-sәuirde Kiyev oblysynan tolyq yghystyryldy, al 2-sәuir kýni Ukraina jasaqtary Kiyev manyndaghy Irpeni, Bucha, Gostomeli syndy qalalargha kirdi. Mine, osy sәtte Ukraina jasaqtary súmdyq qylmysty óz kózderimen kórdi. Bucha qalasynda jýzdegen beybit túrghynnyng atylghany, azaptalghany anyqtaldy. Qoldary baylanyp, jelkesinen atqan balalar, analar men qariyalardyng mýrdeleri qala kóshelerinde shashylyp jatyr. Keybirin tankpen taptap ketkeni de aityluda. Jiyntyghy Bucha qalasynda 280 beybit túrghynnyng óltirilgeni naqtylandy. Jalpy Kiyev oblysy boyynsha azat etilgen audandardan 410 beybit túrghynnyng denesi tabyldy.

Ukraina tarapy Reseydi genosid jasady dep aiyptauda. Halyqaralyq úiymdar men Europa elderi Resey әskerining qylmysyna qatysty búltartpas aighaqtar baryn aitady. Ol suretter, viydeolar jәne túrghyndardyng bergen týsiniktemelerinen túrady. Human Rights Watch genosid jasalghanyn dәleldeytin mәlimetter jetkilikti dep otyr. The Guardian gazeti qayghyly oqighany "genosiyd" dep atady.

Álem basshylary Bucha qyrghynynan keyin Reseyge salynatyn sanksiyany kýsheytip, ony oqshaulaudy jyldamdatyp, Kiyevke kómekti eseleu kerektigin aituda.

"Irpeni men Buchadaghy Resey әskerining qanqúily shabuyly Putin men onyng әskerining Ukrainada әskery qylmys jasap jatqanynyng aiqyn dәleli. 

Kremliding búl faktilerdi joqqa shygharu men jalghan aqparat taratuy búl shyndyqty býrkemeley almaydy. Putin ashuly, onyng jospary iske aspauda, al Ukaina búrynsondy dәl qazirgidey birlikte bolghan emes", - dedi Úlybritaniya basshysy Boris Djonson. Ol Putin әskerining qylmysyn әshkereleu ýshin baryn salatynyn aitty.

Al Úlybritaniyanyng Ukrainadaghy elshisi Milanda Simmons bolsa Resey әskerin bylay dep aiyptady: "Zorlyq-zombylyq soghystyng bir qaruy. Ukrainada qanday dengeyde zorlau faktileri bolghanyn naqty bilmesek te, Resey әskerining bir qaruy ekenin bilip otyrmyz. Áyelderdi balalaryng kózinshe zorlaydy, qyzdardy otbasynyng kózinshe zorlaydy, osylaysha óz ýstemdikterin kórsetkisi keledi. Zorlau әskery qylmys bolyp tabylady", — Simmons.

EO preziydenti Sharli Miysheli: "Kiyev oblysyndaghy azat etilgen audandardan kelgen suretterdi kórip, esengirep qaldym. EO Ukraina men tәuelsiz úiymdargha búl súmdyq turaly dәlelder izdeuge kómektesedi jәne halyqaralyq sottargha jýginuge jәrdem beredi. EO Reseyge quatty sanksiyalar salu men Ukrainany EO-gha alu jolyn jalghastyrady", - dedi.

Al Germaniyanyng SIM Annalena Berbok bylay deydi: "Buchadan kelgen suretterdi kóru óte auyr. Putinning qylmysy beykýnә otbasylardy joyyp jatyr jәne onyng shegi kórinbeydi. Búl qylmysqa qatysy barlar jazalanuy tiyis. Biz Reseyge qatysty sanksiyany kýsheytip, Ukrainany qoldaudy arttyramyz", - dep kesip aitty.

Fransiya basshysy bolsa: "Kiyev manyndaghy Bucha qalasynan kelgen suretterge qarau óte auyr. Kóshede jýzdegen beybit túrghyn óltirilgen. Men qaza tapqandardyng jaqyndaryna kónil aitamyn jәne ukraindyqtardy qoldaytynymdy aitqym keledi. Resey biyligi búl qylmysy ýshin jauap beredi", - deydi Makron.

Bucha jәne Irpeni, Gostomeli manyndaghy Resey әskerining qyrghynynan keyin әlemdik arenada Resey biyligin oqshaulau kýsheyetini aityluda. Al Resey búl aiyptardyng barlyghyn joqqa shygharyp, BÚÚ Qauipsizdik Kenesining otyrysyn ótkizuge ýndeu jasady. "Búl arandatushylyq, oidan shygharylghan ssenariy, bizding búl qyrghyngha esh qatysymyz joq" depti olar...

Ashat Qasenghaliy

Abai.kz