Túrghyn ýy naryghyndaghy pәter baghasy byltyrghy jylmen salystyrghanda aitarlyqtay qymbattaghan. Búl turaly Strategiyalyq josparlau jәne reformalar agenttigining Últtyq statistika burosy habarlady.

"Bir jyl ishinde, 2022 jylghy shilde aiy men 2021 jylghy shildeni salystyrghanda, qaytalama naryqtaghy pәterlerding baghasy 26,4 payyzgha, jana túrghyn ýidi satu qúny 19,6 payyzgha ósti. 2022 jyldyng shildesinde túrghyn ýidi jaldau ótken jyldyng shildesimen salystyrghanda 20,8 payyzgha ósti", - delingen habarlamada.

Bastapqy naryqtaghy túrghyn ýy baghasy Aqtóbede 32,5 payyzgha; Núr-Súltanda 27,6 payyzgha; Óskemende 26,1 payyzgha qymbattaghan.

Qaytalama naryqtaghy pәter baghasy Qyzylordada 44 payyzgha; Óskemende 43,7 payyzgha; Taldyqorghanda 43,4 payyzgha; Núr-Súltanda 41,3 payyzgha ósken.

Túrghyn ýidi jalgha beru baghasyn kóteruden kósh bastaushy Almaty qalasy eken. Múnda biyl jalgha beriletin pәterler 47,2 payyzgha qymbattaghan.

Buro bagha indeksterin oblys ortalyqtary men Núr-Súltan, Almaty, Shymkent qalalary boyynsha iriktemeli bayqau derekteri negizinde jasaghan.

Abai.kz