تۇرعىن ءۇي نارىعىنداعى پاتەر باعاسى بىلتىرعى جىلمەن سالىستىرعاندا ايتارلىقتاي قىمباتتاعان. بۇل تۋرالى ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى حابارلادى.

ء"بىر جىل ىشىندە، 2022 جىلعى شىلدە ايى مەن 2021 جىلعى شىلدەنى سالىستىرعاندا، قايتالاما نارىقتاعى پاتەرلەردىڭ باعاسى 26,4 پايىزعا، جاڭا تۇرعىن ءۇيدى ساتۋ قۇنى 19,6 پايىزعا ءوستى. 2022 جىلدىڭ شىلدەسىندە تۇرعىن ءۇيدى جالداۋ وتكەن جىلدىڭ شىلدەسىمەن سالىستىرعاندا 20,8 پايىزعا ءوستى", - دەلىنگەن حابارلامادا.

باستاپقى نارىقتاعى تۇرعىن ءۇي باعاسى اقتوبەدە 32,5 پايىزعا; نۇر-سۇلتاندا 27,6 پايىزعا; وسكەمەندە 26,1 پايىزعا قىمباتتاعان.

قايتالاما نارىقتاعى پاتەر باعاسى قىزىلوردادا 44 پايىزعا; وسكەمەندە 43,7 پايىزعا; تالدىقورعاندا 43,4 پايىزعا; نۇر-سۇلتاندا 41,3 پايىزعا وسكەن.

تۇرعىن ءۇيدى جالعا بەرۋ باعاسىن كوتەرۋدەن كوش باستاۋشى الماتى قالاسى ەكەن. مۇندا بيىل جالعا بەرىلەتىن پاتەرلەر 47,2 پايىزعا قىمباتتاعان.

بيۋرو باعا يندەكستەرىن وبلىس ورتالىقتارى مەن نۇر-سۇلتان، الماتى، شىمكەنت قالالارى بويىنشا ىرىكتەمەلى بايقاۋ دەرەكتەرى نەگىزىندە جاساعان.

Abai.kz