Almatyda Demokratiyalyq kýshter koalisiyasy qúryldy. Koalisiya Qazaqstan Halqyna jәne preziydent Toqaevqa ýndeu jariyalady. 

Demokratiyalyq kýshter koalisiyasyn qúrushy azamattardyng memleket basshysynyng 2022 jylghy qyrkýiektegi Joldauynda aitylghan kezekten tys preziydent saylauyna qatysty

ÝNDEUI

Biz Otanymyzdyn, halqymyzdyng aldaghy taghdyryna alandaymyz. Tәuelsizdikten, memlekettilikten aiyrylyp qalu qaupi ýdep barady. Shynayy demokratiyalyq baghyttan auytqu odan әri jalghasty. Super preziydenttik jýieni qayta jandandyru әreketteri jymysqylyqpen iske asyp jatyr. Búl preziydentting tayaudaghy, qyrkýiektegi joldauynan da aiqyn bayqaldy.
Kezekten tys preziydent saylauyn ótkizu, preziydenttik merzimdi jeti jylgha deyin úzartu, aldaghy uaqytta da biylik basynda otyra beru, qazaq tilin qosaqtalghan dengeyde qaldyru jónindegi Toqaevtyng ústanymdaryn qoldamaymyz! Biz múnyng bәrin qoghamda qarsylyq tudyratyn demokratiyalyq qúndylyqtardan bastartu, nazarbaevtyq jeke bastyq, avtoritarlyq, totaritarlyq jýieni janghyrtu dep esepteymiz! Jәne búghan jol berilmeytindigin mәlimdeymiz!

Memleket, halyq aldyndaghy jauapkershilikti sezine, ony óz moynymyzgha ala otyryp, biz barsha demokratiyalyq kýshterdi – oppozisiyadaghy sayasatkerlerdi, tirkelgen, tirkelmegen úiymdar men birlestikterding jetekshilerin, belsendi mýshelerin, sayasattanushylardy, azamattar qúqyghyn qorghaushylardy, kýreske әzir barlyq adamdardy qatarymyzgha qosylugha shaqyramyz.

Bizding biylik basyndaghylargha qoyatyn talaptarymyz:

- Kezekten tys preziydenttik saylau kýn tәrtibinen alynyp tastalsyn! Onday saylau ótkizuge eshqanday qajettilik tughan joq.

«Ádiletti Qazaqstandy qúrugha baghyttalghan týbegeyli jәne jan-jaqty reformalardy sәtimen iske asyru ýshin halyqtyng jana senim mandaty kerek» degen Toqaevtyng syltauy – kózboyaushylyq. Ádiletti Qazaqstan qúru ýshin naqtyly sayasy reformalar qajet. Al ol reformany iske asyru ýshin halyqtan janadan senim mandatyn súrap, kezekten tys saylau ótkizbey-aq qoysyn. Tek qoghammen sanasyp, «Saylau turaly», Sayasy partiyalar turaly, jiyn bostandyghy turaly zandardy halyqaralyq normalargha sәikestendirse, azamattardyng konstitusiyalyq qúqyqtaryn shekteytin, erkin, taza saylau ótkizuge kedergi keltiretin, nazarbaevtyq tәsilmen jasalghan baptardy alyp tastasa bolghany. Saylau komissiyalaryn qúrudy ózgertu, onyng qúramyn týbegeyli ózgertu talaptaryn oryndasyn. Baqylaushylardyn, jurnalisterding saylau barysyndaghy qyzmetteri shektelmesin, ashyqtyqqa, jariyalylyqqa jol ashylsyn. Osynday alghysharttar jasalghan song taza, әdil saylau ótkizsin. Halyq sonda óz tandauyn jasaydy. Demek, Ádiletti Qazaqstan qúru ýshin preziydent Toqaevtan keregi – sayasy erik-jiger, adaldyq, batyldyq, sózde túrushylyq!

- Preziydenttik merzimdi jeti jylgha sozu jónindegi preziydent úsynysy qabyldanbasyn! Konstitusiyany «jasandy referendumnan» keyin taghy da júlmalau, týsten shoshyp oyanghanday bolu preziydentke jaraspaydy. Búrynghy kezende ózgertilip, qayta qalpyna keltirilgen merzimdi taghy da qaytalau – jeke bastyq mýddening qamy.

- Preziydent saylauy óz kezegimen 2024 jyly ótkizilsin!
Oghan deyin preziydent qyzmetinde otyrghan, legitimdi emes preziydent sanalghan Q.J.Toqaev ózi uәde etken sayasy reformany shynayylyqpen, naqtyly qolgha alsyn.

- Sayasy partiyalardy tirkeuge qoyylghan kedergiler alynyp tastalsyn!
Zandaghy jónsizdikter dereu arada týzetilmeyinshe, Ádilet ministrligi arqyly tirkeu tәrtibin alyp tastamayynsha, azamattardyng úiymdargha birlesu, memleketti basqaru isine aralasu qúqyghy shektele beretin bolady.

- 2022 jylghy qantardaghy qyrghyn qasyreti boyynsha jauapkershilikti moynyna alsyn!

Jappay tәrtip búzushylyqqa qatysty delingen әrtýrli aiyptarmen qozghalghan qylmystyq ister qysqartylsyn! Dәlelsiz, aighaqsyz, azaptau, qinau arqyly «moyyndatylghan» kinәlary ýshin sottalghandardyng isteri qayta qaralsyn. Sayasy qudalaudaghy barlyq sayasatkerlerge, belsendilerge bostandyq berilsin.

- Jogharydaghy talaptar oryndalmaghan jaghdayda, Qasym Jomart Toqaevtyng Qazaqstan azamaty retinde aldaghy saylaularda preziydenttikke ýmitker bolyp týsuine, tirkeluine moraldyq, sayasy qúqyghy joq dep eseptelsin!
Halyq seniminen aiyrylghan adamgha halyq eshqashan da jana senim mandatyn bermeytindigin jariya týrde eskertemiz. Biz nazarbaevtyq biylik jýiesin óz ynghayyna oraylastyratyn, jemqor, satqyn, jaghympaz, biliksiz tobyrlardyng memleketti basqaruyna qarsymyz.

- Halyq úsynghan azamattar arasynan preziydent bolugha layyqty túlghalardy qazirden iriktep, talqygha salyp, saylaugha dayyn túruymyz kerek. Ortaq ýmitkerdi qoldayyq!

Búl kezekten tys saylaudy qoldaghandyq emes. Biylik basyndaghylardyng «zandastyryp» alghan oiyn erejesin ózgertpeyinshe, saylau nәtiyjesining bayaghydaghyday bolary anyq. Sondyqtan biz kýlli qazaqstandyqtardy mynaghan shaqyramyz:

- preziydentten, qos palatanyng tóraghalarynan jәne barlyq deputattardan sayasy reforma jasau jónindegi jogharydaghy talaptardy oryndatqyzudy alandargha, kóshelerge shyghyp talap eteyik!

Búl kýreste bir bolatyndyghymyzdy, kózqarastar men ústanymdardaghy ózgeshelikterdi, kelispeushilikterdi ysyryp tastap, Demokratiyalyq kýshter koalisiyasy tóniregine toptasatynymyzdy taghy da mәlimdeymiz jәne barshanyzdy bilek týiistiruge shaqyramyz!

Abai.kz