Indoneziyada G20 sammiyti bastaldy. Álemning alpauyttary qatysyp jatqan búl jiyngha BAQ ókilderi erekshe qyzyghushylyqpen qarap otyr. Jiynda kóteriletin taqyryptar da ózekti. Qauipsizdik, soghyssyz әlem, qaqtyghystardy azaytu, bolashaqty jarqyn etu josparlaryn talqylau jәne t.b. 

Baliydegi basqosugha Resey tarapynan Lavrov qatysuda. Búghan deyin jiyngha Putin qatysuy mýmkin degen aqparat aitylghan. Alayda keyin ol onayn qatysady dedi, artynsha mýlde qatyspaytyny belgili boldy. Sarapshylar Putinning jiyngha tipti onlayn qatyspauynyng ózi onyng bedeline jәne reseylik taraptyng jiyn barysynda ashyq syngha úshyrauy mýmkindigine baylanysty deydi.

Jiyngha Lavrov qatysuda. Álemning alpauyttary biyl jiynnyng ashylu saltanatynda toptasyp suretke týsu rәsimin jasamady. Búl "reseylik delegasiyamen bir surette bolghymyz kelmeydi", degennen keyin qabyldanghan sheshim edi.

Sammitting taqyryby da týsinikti. Ol Resey men Ukraina arasyndaghy soghysty toqtatu, onyng saldaryn jong, azyq-týlik tapshylyghyn azaytu jәne t.b. Sammitti ótkizushi Indoneziya preziydenti Djoko Vidodo "Eger soghys toqtamasa, buizding algha qaryshtap qadam basuymyz ekitalay, biz әlemdi bólmeuge tiyispiz", dep sózin bastady. Osynyng ózi sammit barysynda soghysyp jatqan taraptardy qanday da bir kelisimge keluge ýgitteytin mәlimdemeler bolatynyn aighaqtap túr.

G20 cammiytining songhy kýninde arnayy rezolusiya qabyldanbaq. Onda qatysushy elder BÚÚ jarghysyn saqtau kerektigin aitady dep kýtilude. Búl pozisiyany Resey qolday ma, joq pa, ol jaghy belgisiz. Qazirding ózinde Resey ókili retinde qatysyp jatqan Lavrov yadrolyq qarudy taratpau jәne soghysta qoldanbau turaly kózqarasty qoldaytynyn rastap ýlgerdi.

G20 sammiytining qarsanynda Bayden men Sy arasynda kezdesu ótti. Tayuani talasy, sauda-sattyq soghysynan keyin AQSh pen Qytay arasy suyp ketti. Al Resey soghysynda Qytay beytaraptyqty saqtaugha tyrysuda. Eki el basshysynyng kezdesuinde de Resey men Ukraina soghysy talqy bolyp, yadrolyq qarudy qoldanugha bolmaytyndyghy basa aityldy.

Býgingi sammitke Zelenskiy de qatysuda. Zelenskiy qazirgi uaqytta Reseymen soghysty ayaqtaudyng mýmkindigi baryn aitty. Ol sonymen qatar Ukraina óz territoriyasyn ózgege beretin shartqa eshqashan kónbeytinin de mәlimdedi. Ol Reseymen kelisimning alghysharttary retinde basqynshy әskerding elden shygharyluy men keltirilgen shyghyndy óteui kerektigin de mәlimdedi.

Sammitte taraptar astyq kelisimin úzartu boyynsha da pikir almasuda. Olar astyq pen energiyany bopsa retinde qoldanudy aiyptauda.

G20 cammiytining aldynda BÚÚ Bas Assambleyasynda Reseydi aiyptap, Ukraina boyynsha reparasiya tóleu kerektigin núsqaytyn qarargha dauys beru iske asty. Qarar qabyldandy. Ortalyq Aziya elderi qalys qaldy, al Týrkimenstan dauys beruge qatyspady. Reseydi qoldap, dauys bergenning biri Belarusi boldy. "Búl qarardyng ózi Reseyden alshaqtyq saqtaghysy keletinder sany artty degendi bildiredi", deydi sarapshylar.

Ka Myrza

Abai.kz