Byltyr nauryzdyng on segizinde Resey preziydenti Putin ózi bas bolyp, estrada júldyzdarynyng qatysuymen Qyrymnyng Reseyge qosylghandyghynyng segiz jyldyghyn dýrkiretip atap ótti. Onyng sony eki el qatynasynyng odan ary shiyelenisuine, soghys jaghdayyndaghy teke-teriske әkelip soqty. Jaqynghy bir beyresmy onlayn saualnamagha jauap bergen Reseylikterining 81 payyzy Putinning qatang baghytyn qoldaytynyn bildirgen. Demek sayasat pen estrada serkeleri tize qosqan shou óz missiyasyn oryndady degen sóz.

Putin ghana kem boldy demesen, 12 sәuirde ózimizding Bayqonyrda atalyp ótken «Kosmonavtika kýninin» aldynghy toydan aiyrmashylyghy shamaly. Ssenariyi, baghyty, kózdegen maqsaty úqsas.

Is jýzinde Reseyding gharysh salasy qazir toy toylaytyn deygeyde emes. AQSh pen iyq tenestiretin bayaghy quatynan aiyrylghan. Milliarder Ilon Masktyng qarqynyna da ilese almay keledi. Ony «Roskosmostyn» búrynghy basshysy Dmitriy Rogozin da moyyndaghan keyip tanytty. Qytaylyq әriptesteri aidy birlesip zertteuge shaqyryp, kónilin aulaghan bolyp jýr. Óz esebi ózinde, әriyne. Biraq, biz solay degenmen, Kenes odaghynyng eski júrtynday bolghan kosmonavtar qalasy (Bizden jalgha alghan) orys biyligi ýshin әli de strategiyalyq manyzyn joghaltqan joq. Joq degende, jer apshysyn quyryp, aigha taban tiregen derjava kezin eske týsiruge, sayasy jarnamagha jarap-aq túr.

Jaulanghan territoriya men jalgha alghan territoriyadaghy toy - Putin biylinining ózining qatty kýshi (әskeri, sayasy yqpalyn) men júmsaq kýshin (muzyka, media) birdey iske qosyp syrtqy jaularyna ses kórsetip, el ishinde bedel jinau әreketining óz irgesinen alqyp, Orta Aziyagha, bizge de jetkenin kórsetedi.

Kýni keshe aqparattyq sayttar orys biyligining Bayqonyrda jappay ishinde qazaqtar da bar qala túrghyndaryna azamattyq tarata bastaghany jazyp, dabyl qaqty. Búl alyp qashpa әngime emes, Reseyding Qazaqstandaghy elshiligi orys azamattyghyn alghandardyng tizimdigin jariyalaghan eken. Ishinde qazaqtarda kóptep kezdesken. Elshilik ókilderi ony óz pәtuasymen týsindiruge tyrysqan. Ukrainanyng tórt oblysyn osynday әkki tәsilmen, atap aitqanda jergilikti túrghyndargha Resey parportyn ýlestiru arqyly jaulap alghany belgili.

Birneshe kýnning aldynda qazaq ýkimeti Resey tarapymen Bayqonyrdy paydalanugha qatysty jana qaulylaryn jariyalady. Onda úshqanynan, qúlauy kóp orystyng ghylymnyng ozyq talabynan shyghyp qalghan zymyrandarynyng qorshaghan ortagha әkelgen ziyanyn baghamdau, aldyn alu sharalary tәpishtep jazylypty. Búrynghy bolghan apattardy eki jaqta jyly jauyp, zardabyn halyq shegetin. Jana qauly talabyn orys taraby orynday ma, joq, búrynghyday bilgenin istey bere me, ony aldaghy uaqytta kóretin bolamyz.

Kópten beri Resey biyligining ýy ishinen ýy tigu әreketi qogham nazaryn audaryp, Bayqonyrdy jalgha beruding ekonomikalyq tiyimdiligin, ekologiyalyq zardabyn, bir jaqty sheshimning aquetin qaytadan tarazylau bastamasy kóterilip kele jatqany belgili. Biylik búl joly ekologiyalyq ortany qorghau jaghyna ghana basymdyq berip, Resey tarabynyng Bayqonyrda jýrgizip otyrghan ózimshildik әreketterine kóz júma qarapty. Qazirgi sandyq tehnologiya zamanynda gharysh ailaghynyng qadirin bilmey, jat qolgha ótkize saludyng memleketting qauipsizdigine tikeley qater tóndiru ekenin týsinetin uaqyt jetti.

Abai.kz