Qyrghyz preziydenti Sadyr Japarov elishilik saparlarynyng birinde, júrtshylyqpen kezdesude jol saludaghy jemqorlyq deytin mәselege erekshe toqtalypty. Sózine túzdyq retinde Mәskeude jol qúrylysy oquyn tәmamadaghan qazaq pen qyrghyzdyng qalay bayyp ketkenin bayandaytyn anekdot aityp beripti.

Qyrghyz preziydenti Japarovtyng qazaq pen qyrghyz turaly anekdoty:

«Bir qazaq pen bir qyrghyz birge student, dos bolypty. Mәskeude, jol jasaudy institutta birge oqyp, diplomdaryn qoltyqtap, elderine oralypty. Biri Almatygha, ekinshisi Bishkekke...

Arada bir jyl óter-ótpey jatyp, qazaq ózining qyrghyz dosyn qonaqqa shaqyrypty. Shәy berip qoyayyn dep... Qyrghyz kelse, әlgi qazaqtyng jaghdayy kelisken. Astynda – 600-dik mersedes, basynda - eki qabatty ýi, aldynda - aq ta tók as... Sodan qyrghyz: «Áy dosym, ekeumiz oqu bitirgeli bir-aq jyl. Múnsha dýniyege qalay jettin? Maghan da qúpiyasyn aitsanshy»,- dep súramay ma?! Sóitse qazaq qyrghyz dosyn ertip, qalanyng shet jaghyna aparyp: «Myna joldy kórding be, sony men saldym. Eninen 5 sm, qalyndyghynan 1 sm jeysin. Sonda menikindey dýnie bolady»,- depti.

Qyrghyz basyn shayqap, eline oralyp, arada taghy 3 ay ótken ótkende qazaqty qonaqqa shaqyrypty. Jauap shәy berip qoyayyn depti. Qazaq barsa, qyrghyzdyng dәuleti tipti kelisip, eki býiiri tolysyp, jaghdayy patshagha par eken. Qazaqtan eki ese bayyp alghan.  «Oy, pәli, múnsha as ta tók dәuletti qalay jinadyn?»,- dese, qyrghyz: «Anau jerdi kórding be? Sonda jol boluy kerek edi, men mýlde salmay qoydym», - depti...

Abai.kz