قىرعىز پرەزيدەنتى سادىر جاپاروۆ ەلىشىلىك ساپارلارىنىڭ بىرىندە، جۇرتشىلىقپەن كەزدەسۋدە جول سالۋداعى جەمقورلىق دەيتىن ماسەلەگە ەرەكشە توقتالىپتى. سوزىنە تۇزدىق رەتىندە ماسكەۋدە جول قۇرىلىسى وقۋىن تاماماداعان قازاق پەن قىرعىزدىڭ قالاي بايىپ كەتكەنىن باياندايتىن انەكدوت ايتىپ بەرىپتى.

قىرعىز پرەزيدەنتى جاپاروۆتىڭ قازاق پەن قىرعىز تۋرالى انەكدوتى:

«ءبىر قازاق پەن ءبىر قىرعىز بىرگە ستۋدەنت، دوس بولىپتى. ماسكەۋدە، جول جاساۋدى ينستيتۋتتا بىرگە وقىپ، ديپلومدارىن قولتىقتاپ، ەلدەرىنە ورالىپتى. ءبىرى الماتىعا، ەكىنشىسى بىشكەككە...

ارادا ءبىر جىل وتەر-وتپەي جاتىپ، قازاق ءوزىنىڭ قىرعىز دوسىن قوناققا شاقىرىپتى. ءشاي بەرىپ قويايىن دەپ... قىرعىز كەلسە، الگى قازاقتىڭ جاعدايى كەلىسكەن. استىندا – 600-دىك مەرسەدەس، باسىندا - ەكى قاباتتى ءۇي، الدىندا - اق تا توك اس... سودان قىرعىز: «ءاي دوسىم، ەكەۋمىز وقۋ بىتىرگەلى ءبىر-اق جىل. مۇنشا دۇنيەگە قالاي جەتتىڭ؟ ماعان دا قۇپياسىن ايتساڭشى»،- دەپ سۇراماي ما؟! سويتسە قازاق قىرعىز دوسىن ەرتىپ، قالانىڭ شەت جاعىنا اپارىپ: «مىنا جولدى كوردىڭ بە، سونى مەن سالدىم. ەنىنەن 5 سم، قالىڭدىعىنان 1 سم جەيسىڭ. سوندا مەنىكىندەي دۇنيە بولادى»،- دەپتى.

قىرعىز باسىن شايقاپ، ەلىنە ورالىپ، ارادا تاعى 3 اي وتكەن وتكەندە قازاقتى قوناققا شاقىرىپتى. جاۋاپ ءشاي بەرىپ قويايىن دەپتى. قازاق بارسا، قىرعىزدىڭ داۋلەتى ءتىپتى كەلىسىپ، ەكى ءبۇيىرى تولىسىپ، جاعدايى پاتشاعا پار ەكەن. قازاقتان ەكى ەسە بايىپ العان.  «وي، ءپالى، مۇنشا اس تا توك داۋلەتتى قالاي جينادىڭ؟»،- دەسە، قىرعىز: «اناۋ جەردى كوردىڭ بە؟ سوندا جول بولۋى كەرەك ەدى، مەن مۇلدە سالماي قويدىم»، - دەپتى...

Abai.kz