Tәjikstannyng Mәskeudegi elshiligi koloniyadan kelgen hatty tekseru bastalghanyn habarlady.

Koloniyadaghy tәjik azamatynyng Azattyqqa aituynsha, búl joly olargha «Vagner» jekemenshik әskery kompaniyasynyng komandirleri emes, Resey qorghanys ministrligining ókilderi kelgen. Ministrlik ókilderimen kezdesu 11 tamyzda ótken.

Bir jyl búryn «Vagner» Resey týrmelerinde jazasyn ótep jýrgenderdi, solardyng ishinde tәjik azamattaryn da, Ukrainagha qarsy soghysqa barugha ýgittey bastady. Sodan beri búryn reseylik týrmelerde otyrghan jiyrma shaqty tәjikstandyqtyng osy soghysta mert bolghany mәlim.

Medyni qalasyndaghy 4-koloniyada otyrghandardyng aituynsha, 2022 jylghy 28 tamyzda jazasyn óteushilerding birazyn, solardyng ishinde 100-den astam tәjikstandyqty, «Vagner» әsker kompaniyasy soghysqa jibergen. Solardyng deni Bahmut týbindegi shayqasta qaza bolghan.

Koloniyada otyrghandardyng birining aituynsha, biyl olargha Resey qorghanys ministrligimen kelisim-shartqa otyrugha, odan song soghysqa barugha mәjbýrlep jatyr.

«Byltyr bizdi arbap, týrli jenildik jasaugha uәde berdi. Asa qatty mәjbýrlegen joq. Búl joly qalasang da, qalamasang da, jaghday osynday, soghysqa barularyng kerek dep jatyr» deydi jazasyn óteushi 17 tamyzda Azattyqtyng Tәjik qyzmetine.

Qamauda otyrghan tәjikter jaqynda olardy Ukrainagha soghysqa jiberui mýmkin ekenin aityp, Tәjikstan biyliginen arasha súrady.

«Múndaghylardyng kóbi alty aidan bastap bir jylgha deyingi merzimmen otyr. Biz Ukrainadaghy soghysta qyrylghymyz kelmeydi. Biz biylikten arasha týsudi ótinemiz» dedi jazasyn óteushilerding biri.

Reseyde Ukrainagha qarsy soghysugha týrmedegilerdi ghana emes, enbek migranttaryn da ýgitteu jýrip jatyr.

Qazir Tәjikstannyng naqty qansha azamaty Resey týrmelerinde otyrghany tolyq belgisiz. Búryndary olardyng sany 10 myngha juyqtaytyny aitylghan. Resey týrmelerinen Ukrainagha soghysqa qansha tәjikstandyq jiberilgeni turaly da mәlimet joq.

Abai.kz