"Dempartiya" ókilderi Almaty әkimi Erbolat Dosaevtyng Nauryzbay audany túrghyndarymen kezdesuine qatyspaq bolghan. Jiyn Qalqaman-2 shaghyn audanyndaghy №208 mektep-gimnaziya ghimaratynda ótedi dep habarlanghan. Inga Imanbaydyng aituynsha, polisiya belsendiler kólikten týskende kýshpen ústap, Nauryzbay audandyq ishki ister basqarmasyna alyp ketken.
"Búghan deyin Dosaevtyng Alatau audany túrghyndarymen kezdesuinde Arujan Dýisebaeva әkim otstavkasyn talap etken petisiya turaly súraq qoyyp, "ondaghan myng adam sizding әkim bolghanynyzdy qalamaydy" dedi. Endi Nauryzbay audany túrghyndarymen kezdesui aldynda ústap әketti. Dosaev syndy, pikirdi, betine aitqan adamdy kótere almady. [Belsendiler] Dosaevtyng tapsyrysymen qamaugha alyndy dep oilaymyn" dedi Inga Imanbay Azattyqqa.
Arujan Dýisebaeva ishki ister basqarmasyna alyp bara jatqan kólik ishinde viydeo týsirip, polisiya ústaghan sәtte jaraqat alghanyn aitady.
Nauryzbay audany polisiya basqarmasy belsendiler turaly Azattyqqa "aqparat bere almaymyz, әli alyp kelgen joq" dedi. Al Inga Imanbay belsendi Arujan Dýisebaeva men onyng advokaty Jalghas Saparhanova polisiya ghimaraty ishinde ekenin aitty.
26 shildede Almaty әkimi Erbolat Dosaev Alatau audany túrghyndarymen kezdesu ótkizdi. Kezdesuge kelgen júrttyng arasynda belsendi Arujan Dýisebaeva әkimning otstavkagha ketuin talap etken petisiya turaly súraq qoydy. Dosaev sol kezde "әkim retinde sizding pikiriniz men ýshin manyzdy shyghar. Biraq júmysym turaly sheshimdi meni búl qyzmetke taghayyndaghan memleket basshysy shygharady" dep jauap bergen. Ákimning otstavkagha ketuin talap etetinder Dosaev kelgeli qalada zansyz qúrylys kóbeygenin, jóndeudi qajet etpeytin joldar qayta kýrelip jatqanyn aitty.
13 shildede әkimge súraq qoigha talpynghan Azattyq tilshisi de kedergige tap bolghan. Almatyda Aleksandr Nevskiy eskertkishin ashugha kelgen Erbolat Dosaevqa Azattyq tilshisi Meyirim Baqytjan súraq qoymaq bolghan kezde jurnalisti bir top er azamat qúrsaugha alyp, kýshtep ústap túrghan. Olar jurnalisti әkim kóligine otyryp ketkende ghana bosatqan.
Abai.kz
