Men keyde bizding óz tizginimiz ózimizdegi, egemendi el ekendigimizge óte senimdi bola bermeymin. Óitkeni qazir bizge kim bolsa sol dikendep, aqyl aitudy jaman әdetke ainaldyrdy.

Ásirese búl jan-jaghynan jau izdegen kórshimizde tipti, qalypty jaghday ma dep qalasyn. Bizge qoqan-loqqy jasaytyndardyng sanynan da janylasyn. Jaqynda solardyng sapyna Reseyding bizdegi bas konsuly Evgeniy Bobrov degen qosylypty.

Ol osy tamyz aiynyng 23-i kýni ózderining TASS degen agenttigine Qazaqstanda orys tildi mektepterding kýrt azayyp bara jatqandyghyn aityp, qatty múnyn shaghypty. Ol osyny oilap, týn úiqysy tórt bólinetin kórinedi.

Áriyne, Bobrov degenning baybalamy jauapsyz qalghan joq. Onyng eshbir negizsiz aiyptaularyna bizding Syrtqy ister ministrligining arnayy ókili Aybek Smadiyarov bayypty týrde, naqty dәlelmen jauap berdi.

Onyng aituynsha, elimizde barlyghy 7 myng 711 memlekettik mektep bar. Múnyng 3 myng 957-i qazaqsha da, 1 myng 203-i oryssha. Al endi bylay qaraghanda tәuelsiz alghan elding memlekettik tildegi mektepterining kóbengi tang qalarlyq nәrse emes, tipti zandy tendensiya desek te artyq emes. Solayy solay ghoy. Alayda, búl jerde ózimizge ózimiz qayshy keletin bir kiltipan bar. Ol Smadiyarov myrzanyng keltirgen taghy bir sifry. Ol kisining jauabyna qaraghanda bizde taghy da anau-mynau emes, 2 myng 551 qazaqsha-oryssha aralas mektep bar eken. Al eger búghan jogharydaghy 1 myng 203 orys mektebin qossaq, ekeui tenesip qalmay ma? Sonda «qazaq mektepteri kóbeyip keledi» degenimiz ózimizdi-ózimiz aldau bolyp shyqpay ma? Onda nemesine konsulsymaqqa jauap berip, әure bolamyz?

Sosyn, taghy bir qyzyghy, әlgi konsul aragha ýsh kýn salyp, qyzmetten ketken kórinedi. Bizdegi keybir «sarapshylar» múny janaghy mәlimdemesimen baylanystyryp jatyr. Bos әngime, eshbir qisynsyz tújyrym.

Birinshiden, Reseyde esh uaqytta búdan da soraqy әngimelerdi byqsytqan eshbir lauazymdy adam ornynan ketken emes.

Ekinshiden, ol mýmkin búdan da jayly jerge ornalasqan bolar.

Al, ýshinshiden, ózining basqa qyzmetke auysatyndyghyn bile túra, dәl osylay arandatushylyq jasamasyna kim kepil?

Aytpaqshy, búl konsul bizdegi orys mektepteri turaly onsha qayghyrmasa da bolady. Ózge emes, ózimizding tura Astana qalasynda biyl birinshi synypqa baratyn baldyrghandardyng jartysyna juyghy orys mektebining tabaldyryghyn attaydy eken.

Kýlemiz be, jylaymyz ba?

Jaybergen Bolatov

Abai.kz