«Boranbaev – Beketaev – Bәibek» tergeu operasiyasy ózining ortalyq fazasyna jetti. Qayrat Boranbaev qaltasyndaghy songhy tiyndy sanap bergen kýni tergeushiler eks-әdilet ministri Marat Beketaevti qúryqtady, dep jazady DALA INSIDE.

Beketaev «Staty isi», «Ábilazovty qudalau» barysynda Mәsimov shemasyn paydalanyp, memlekettik qarjyny syrtqa jiberip otyrghan. Staty isi boyynsha Beketaevtyng 300 million dollar shyghyn әkelgenin biz talay ret jazghanbyz

«Kesheden bastap Marat Beketaev sóiley bastady», – deydi osy orayda derekkóz. Tergeushilerge «Bolachak Consulting» epizody boyynsha Bauyrjan Bәibekting ýstinen qylmystyq is qozghaugha mýmkindik ashylady.

Odan keyin Nazarbaevtyng klastasynyng balasyn Germaniyada qúryqtap, ekstradisiyalau boyynsha sharalar jasalmaq. Bәibekting sottaluy «Ýsh B» operasiyasyna nýkte qoyady.

Staty tragediyasy…

Mәsimov, Boranbaev pen Beketaev elimizdi 1 milliard dollargha «qoragha» kirgizgen edi. 2013 jyly elimizge kelgen investor Anatol Statiyding «Tolqyn» men «Borankól» múnay kenishterin Mәsimov pen Boranbaev reyderlik jolmen tartyp alady.

Al sol kezde Ádilet ministri bolyp túrghan Beketaev Statiylerdi mýlde joq qylyp jiberu ýshin onymen sottasugha qyruar memleket qarjysyn ondy-sondy shasha bastaydy. Búl banketke Bauyrjan Bәibek te qosylady.

Alayda keybir shetel sottary Statiydi qoldap, Beketaev-Bәibek tandemining jospary iske aspay qalghan. Shvesiya soty Staty paydasyna 76 million dollar, al Gibraltar soty 2 million dollar kesip berdi. Endi ol aqshany Qazaqstan tez arada Statiyge tóleui tiyis.

Elimiz qazirding ózinde 500 million dollar bolatyn ótemaqy tóleudi keyinge qaldyru ýshin sot shyghyndaryna 300 million dollaryn júmsady.

Búghan qosa, 500 million dollargha prosentter jýrip jatyr.

Anatoly Staty «Biz Qazaqstannan ótemaqyny asyqpay, biraq senimdi týrde óndirtip jatyrmyz. Birneshe jyl búryn Qazaqstannyng 1 milliard dollardyng jartysyn tólep qútylatyn mýmkindigi bolyp edi. Biraq osy qomaqty shyghyndardan jeke payda kórgender basqasha sheshim qabyldady», – dep otyr.

«Ýsh B» operasiyasynyng sәtti ótui «Jana Qazaqstannyn» tarihy prosesi – «Otbasy» operasiyasyna tolyq jol ashady.

«Tek qana Sara Alpysqyzyna esh súraqtar bolmaydy. Jalpy, qazaq halqynyng ózinde Otbasy mýshelerining ishinen osy Sara Alpysqyzyna ghana sәl de bolsa qúrmet bar siyaqty», -  deydi búl rette DALA INSIDE.

Abai.kz