«بورانباەۆ – بەكەتاەۆ – بايبەك» تەرگەۋ وپەراتسياسى ءوزىنىڭ ورتالىق فازاسىنا جەتتى. قايرات بورانباەۆ قالتاسىنداعى سوڭعى تيىندى ساناپ بەرگەن كۇنى تەرگەۋشىلەر ەكس-ادىلەت ءمينيسترى مارات بەكەتاەۆتى قۇرىقتادى، دەپ جازادى DALA INSIDE.

بەكەتاەۆ «ستاتي ءىسى»، «ءابىلازوۆتى قۋدالاۋ» بارىسىندا ءماسىموۆ سحەماسىن پايدالانىپ، مەملەكەتتىك قارجىنى سىرتقا جىبەرىپ وتىرعان. ستاتي ءىسى بويىنشا بەكەتاەۆتىڭ 300 ميلليون دوللار شىعىن اكەلگەنىن ءبىز تالاي رەت جازعانبىز

«كەشەدەن باستاپ مارات بەكەتاەۆ سويلەي باستادى»، – دەيدى وسى ورايدا دەرەككوز. تەرگەۋشىلەرگە «Bolachak Consulting» ەپيزودى بويىنشا باۋىرجان بايبەكتىڭ ۇستىنەن قىلمىستىق ءىس قوزعاۋعا مۇمكىندىك اشىلادى.

ودان كەيىن نازارباەۆتىڭ كلاستاسىنىڭ بالاسىن گەرمانيادا قۇرىقتاپ، ەكستراديتسيالاۋ بويىنشا شارالار جاسالماق. بايبەكتىڭ سوتتالۋى «ءۇش ب» وپەراتسياسىنا نۇكتە قويادى.

ستاتي تراگەدياسى…

ءماسىموۆ، بورانباەۆ پەن بەكەتاەۆ ەلىمىزدى 1 ميلليارد دوللارعا «قوراعا» كىرگىزگەن ەدى. 2013 جىلى ەلىمىزگە كەلگەن ينۆەستور اناتول ءستاتيدىڭ «تولقىن» مەن «بورانكول» مۇناي كەنىشتەرىن ءماسىموۆ پەن بورانباەۆ رەيدەرلىك جولمەن تارتىپ الادى.

ال سول كەزدە ادىلەت ءمينيسترى بولىپ تۇرعان بەكەتاەۆ ستاتيلەردى مۇلدە جوق قىلىپ جىبەرۋ ءۇشىن ونىمەن سوتتاسۋعا قىرۋار مەملەكەت قارجىسىن وڭدى-سوڭدى شاشا باستايدى. بۇل بانكەتكە باۋىرجان بايبەك تە قوسىلادى.

الايدا كەيبىر شەتەل سوتتارى ءستاتيدى قولداپ، بەكەتاەۆ-بايبەك تاندەمىنىڭ جوسپارى ىسكە اسپاي قالعان. شۆەتسيا سوتى ستاتي پايداسىنا 76 ميلليون دوللار، ال گيبرالتار سوتى 2 ميلليون دوللار كەسىپ بەردى. ەندى ول اقشانى قازاقستان تەز ارادا ستاتيگە تولەۋى ءتيىس.

ەلىمىز قازىردىڭ وزىندە 500 ميلليون دوللار بولاتىن وتەماقى تولەۋدى كەيىنگە قالدىرۋ ءۇشىن سوت شىعىندارىنا 300 ميلليون دوللارىن جۇمسادى.

بۇعان قوسا، 500 ميلليون دوللارعا پروتسەنتتەر ءجۇرىپ جاتىر.

اناتولي ستاتي «ءبىز قازاقستاننان وتەماقىنى اسىقپاي، بىراق سەنىمدى تۇردە ءوندىرتىپ جاتىرمىز. بىرنەشە جىل بۇرىن قازاقستاننىڭ 1 ميلليارد دوللاردىڭ جارتىسىن تولەپ قۇتىلاتىن مۇمكىندىگى بولىپ ەدى. بىراق وسى قوماقتى شىعىنداردان جەكە پايدا كورگەندەر باسقاشا شەشىم قابىلدادى»، – دەپ وتىر.

«ءۇش ب» وپەراتسياسىنىڭ ءساتتى ءوتۋى «جاڭا قازاقستاننىڭ» تاريحي پروتسەسى – «وتباسى» وپەراتسياسىنا تولىق جول اشادى.

«تەك قانا سارا الپىسقىزىنا ەش سۇراقتار بولمايدى. جالپى، قازاق حالقىنىڭ وزىندە وتباسى مۇشەلەرىنىڭ ىشىنەن وسى سارا الپىسقىزىنا عانا ءسال دە بولسا قۇرمەت بار سياقتى»، -  دەيدى بۇل رەتتە DALA INSIDE.

Abai.kz