Últtyq statistika burosy 2021 jylghy halyq sanaghynyng qorytyndysy boyynsha neke jәne otbasy, sonday-aq ýy sharuashylyqtary boyynsha kezekti jinaqty shyghardy.

Onda aimaqtar, jynys jәne jas qúramy bólinisindegi kórsetkishterdi, sonday-aq songhy eki sanaq arasyndaghy dinamikalyq ózgeristerdi kóruge bolady.

Nekede túrghan erler men әielderding sany 2009 jyly 6,6 millionnan 2021 jyly 8,2 milliongha deyin ósti

2021 jylghy sanaq qorytyndysy boyynsha halyqtyng 60,9% nekede bolghan, osylaysha nekede túrghan azamattardyng sany — 8,2 mln adam.

Onyng ishinde 9% — qayta neke qúrghandar.

Jalpy halyqtyng 28% — eshqashan ýilenbegen, 5,3% — jesir, al qalghan 5,8% — ajyrasqandar.

Sanaq nәtiyjesi ýy sharuashylyqtary sanynyng 27,9% óskenin kórsetti — 2009 jylghy 4,3 mln birlikten 2021 jyly 5,6 mln birlikke deyin.

Qalalyq jerlerde ýy sharuashylyqtarynyng 3,7 mln (66,4%), auyldyq jerlerde — 1,8 mln (33,6%) birligi esepke alyndy.

Qazaqstan boyynsha ýy sharuashylyqtarynyng ortasha mólsheri 3,4 adamdy qúrady.

Búl rette auyldyq jerdegi ýy sharuashylyqtarynyng ortasha mólsheri qalalyq jerlerge qaraghanda artyq, tiyisinshe 3,9 jәne 3,1 adamnan.

Ýy sharuashylyqtarynyng eng joghary ortasha mólsheri Manghystau, Atyrau, Qyzylorda jәne Týrkistan oblystarynda bayqaldy — 4,3-ten 5,2 adamgha deyin.

Ayta keteyik, Almaty, Shyghys Qazaqstan, Qaraghandy oblystary boyynsha derekter sanaq ótken uaqytqa, yaghny olar bólingenge deyin berilgen.

Abai.kz