Kólik ministri Marat Qarabaev Ýkimet otyrysynan keyin ótken brifingide «QazAvtoJoldyn» búrynghy basshysynyng qyzmettten ketuine qatysty týsinik berdi.

«Tayauda «QazAvtoJoldyn» basshysy bolghan Meyirhat Qasymbaev qyzmetinen ketti. BAQ onyng jemqorlyq dauyna úshyraghan Qalbatau - Mayqapshaghay jolyn jóndegen «QazGerStroy» kompaniyasyna qatysy bar ekenin jazdy. Bas prokuratura osy joldyng qúrylysyna dep bólingen 21 mlrd tengening maqsatqa say júmsalmaghanyn habarlady. Onyng qyzmetinen ketuine sol jemqorlyq dauy sebep boldy ma?», – dep súrady jurnalist.

«Joq. «QazAvtoJoldyn» búrynghy basshysynyng qyzmetinen ketui odan emes. Ol óz erkimen júmystan bosady», – dedi Marat Qarabaev.

Sonday-aq tilshi atalmysh jol qúrylysyna Qytaydyng «Eksimbankinen» qansha qaryz alynghanyn súrady.

«Qalbatau - Mayqapshaghay jolyna sheteldik qarjy institutynan kredit tartylghan. Joldyng jalpy qúrylysy sol kózden qarjylandyrylyp jatyr. Týrli-týrli kózder qarastyrylghan. Birneshe uchaskege, birneshe lotqa bólinedi. Eng basym baghyttaghy aqsha qytaylyq «Eksimbankke» tiyesili. Onyng kólemi – 156 mlrd tenge», – dedi vedomstvo basshysy.

Foto: ashyq derekkózden

Abai.kz