Batystyng demokratiyalyq damu jolyn tandaghan Ukraina biyligine Kremli qojayyny Putinning qaharyn tógip, eki jylgha juyq uaqyttan beri Kiyevti oq pen otqa oraghany belgili.

Esesine Ukrain biyligi orys әskerine tabandy qarsy túrumen birge, otarsyzdanu, orystanu ýrdisin de belsendi jýrgizude. Orys tilinin, mәdeniyetining simvolyna ainalghan әidik Pushkinning enseli eskertkishin alyp tastady. Kremliding qytyghyna tiyetin Kiyev tarabynyng әreketteri kenes zamanynan qalghan eskertkishter men jer, su, kóshe ataularyn ózgertumen ghana shektelmeydi.

Ukrain biyligining qarashanyng songhy senbisin 1932-1933-jyldardaghy asharshylyq qúrbandaryn eske alu kýni etip belgileui de Stalindi qayta úlyqtaugha kóshken Putin biyligine mýlde jaqpaghan. Biyl sol asharshylyqqa 90 jyl toluy qarsanynda, atap aitqanda qarashanyng 25-ne qaraghan týni orys әskeri Ukrainagha soghys bastalghaly beri eng kólemdi drondar shabuylyn úiymdastyrghan.

Búl turaly Ukrainanyng syrtqy ister ministri Dimitry Kuleba: «Asharshylyq qúrbandaryn eske alu qarsanynda Mәskeu bir týnde 70 ten astam dronmen shabuyl jasady. Sol arqyly milliondaghan ukraindyq qyrylghan genosidty janamalay bolsa da moyyndaghanday boldy. 30-shy jyldardaghy asharshylyqpen býginning aiyrmashylyghy sol, ol kezde bizde diktaturagha qarsy túratyn qauqar bolmady, olar bizding barlyq astyghymyzdy alyp ketti, ashyqqan auyldy qúrsaulap tastady, syrttan tamaq tabuyna jol qaldyrmady. Al býgin, bizding óz memleketimiz bar, otan qorghaytyn әskerimiz bar, ótkendi úmytpaytyn jadymyz bar», - dedi.

Onyng keltirgen mәlimeti boyynsha, qoldan jasalghan asharshylyqty «genosiyd» dep tanyghan elder qatary býginde 28 memleketke, halyqaralyq úiymdar sany 3 ke jetken. Ukrain halqynyng kórgen súmdyghyna janashyrlyq tanytqandar qatary 2022-jyly 24-aqpannan beri eki ese artqan.

Zelenskiy de júbayymen, joghary lauazymdy túlghalarmen birge shirkeude asharshylyq qúrbandaryna dúgha jasau rәsimine qatysty. Kiyev ortalyghyndaghy asharshylyq qúrbandaryn eske alu eskertkishine gýl shoqtaryn qoydy. Ol sharagha Latviya preziydenti, Litva ýkimetbasy, Shveysariya basshysy qatysty. Ol da asharshylyq pen Reseyding qazirgi shapqynshylyghyn baylanystyryp, Putin biyligin aiyptady. Arnau sózinde ol: «Búdan 90 jyl búryn әlem júrtynyng naghyz shyndyqty biluge mýmkindigi bolmady. Qazir bәri aiparaday boldy. Tek qana kórse de kórmeske salatyndar bar. Biraq olardyng sany azshylyq. Aqiqatqa sara jol ashyldy. Beybitsýigish әlem júrty birigip, jauyzdyqty auyzdyqtauy kerek», - dedi.

Songhy kezde búqaralyq aqparat qúraldarynda Ukraina ghana emes, Qazaqstan, Qyrghyzstan, Ózbekstan qatarly Orta Aziya elderining Stalindik asharshylyqqa qatysty qúpiya arhivterding kýshin joyyp, toptap jariyalay bastauy Mәskeuge únamay otyrghany jii jazylghan edi.

Esbol Ýsenúly

Abai.kz