Kókjiyde – elimizding batys oblystaryn tolyq qamtamasyz ete alatyn jerasty su qory. Ýkimet qaulysymen 2008 jyly memlekettik tabighiy-qoryqtyq qordyng tizimine de engen. Degenmen qazirding ózinde túshy su beldeuining manayynda 5 múnay kompaniyasy júmys isteude. Ekologiya ministrligining sózinshe búl 2032 jylgha deyin jalghasady.

Aldaghy 8 jylda túshy su alabynan ne qalady? Sol múnay kompaniyalaryna shekteu qoigha ne kedergi? Kókjiyde elimizding batys aimaghyndaghy auyz su mәselesin sheshe ala ma? Osy jayly Parlament mәjilisining deputaty Asqar Sadyqov «Qazaq ýni» podkastynda bergen súhbatynda aitty:

Kókjiydedegi su qory Atyrau, Aqtóbe, Manghystau oblystaryn aldaghy 50 jyl auyz sumen qamtugha jetedi. Býginde múnay kompaniyalarynyng 800-ge juyq únghymasy búrghylau júmystaryn jýrgizude. Tek múnay emes, himiyalyq ziyandy qúramdaghy múnay qaldyqtary túshy sudy lastap jatyr.

Parlament otyrysynda osy kompaniyalargha qatysty qanday naqty sheshimder qabyldanghany jóninde deputat Ekologiya ministrinen tikeley súraghyn qoyghan bolatyn. Erlan Nysanbaevtyng sózinshe, únghymalardy alu sharalary 2024-2032 jyldar aralyghynda jýredi. Al búl uaqyt arasynda su alaby ishuge jaramsyz bolyp qaluy әbden mýmkin.

Ayta ketetini, QR Industriya jәne infraqúrylymdyq damu ministrligining habarlauynsha, Manghystau oblysynda auyz su mәselesi asa ózekti. Aymaqta túshy su kózderining jetispeushiligine baylanysty halyqqa su jazda keste boyynsha beriledi.

Abai.kz