Jaqynda AQSh-tyng bedeldi basylymdarynyng biri Washington Post gazetinde Saymon Denier degen avtordyng “Qytay amerikalyq “Jana Jibek joly” jobasyn jolda qaldyrdy” dep atalatyn maqalasy jariyalandy. Onda bylay deydi: “Ótken aida Qytay preziydenti Sy Szinipin ondaghan milliard dollardy qaltasyna salyp alyp, ejelgi sayahatshylar turaly romantikalyq ertegilerimen túzdyqtap, eki jana “Jibek joly” turaly tújyrymdamasyna Ortalyq Aziya elderi basshylaryn elitip qaytty.
Jaqynda AQSh-tyng bedeldi basylymdarynyng biri Washington Post gazetinde Saymon Denier degen avtordyng “Qytay amerikalyq “Jana Jibek joly” jobasyn jolda qaldyrdy” dep atalatyn maqalasy jariyalandy. Onda bylay deydi: “Ótken aida Qytay preziydenti Sy Szinipin ondaghan milliard dollardy qaltasyna salyp alyp, ejelgi sayahatshylar turaly romantikalyq ertegilerimen túzdyqtap, eki jana “Jibek joly” turaly tújyrymdamasyna Ortalyq Aziya elderi basshylaryn elitip qaytty.
Sy Szinipin osy joly “Jana Jibek jolynyn” amerikalyq núsqasyn kólegeylep tastady. Osylaysha búdan eki jyl búryn ghana AQSh-tyng memlekettik hatshysy Hillary Klintonnyng Aughanstandy “tiriltip”, ony Ortalyq jәne Ontýstik Aziyamen aradaghy kópir jasamaqshy bolghan tirligi kómeskilenip qaldy.
Qytay basshysy osy jolghy saparynda Reseydi synap, AQSh әskerining Aughanstan aumaghynan shygharyluy turaly sóz etti. Ondaghy maqsaty – Ortalyq Aziyada Qytaydyng yqpalyn arttyru.
“Qytay basshysy óte batyl qadam jasady, – deydi Vashingtondaghy strategiyalyq jәne halyqaralyq zertteuler ortalyghynyng sarapshysy Kris Djonson. – Sauda-ekonomika túrghysynan qaraghanda, aimaqtaghy bos kenistikti Sy Szinipinning qyraghy kózi kórip qoydy. Búl kenistikti AQSh qansha tyrysqanymen toltyra almaghan edi”.
Qazaqstannyng Astanasynda 30 milliard dollardyng kelisimshartyna qol qoyghan Sy “keruenning qonyrauyn qúlaghy shalghanyn” aityp, búdan 2100 jyl búryn Hani ýrimbútaghynyng elshisi Chjan Syannyng aimaqqa jasaghan saparyn synalap sóz etti.
Qytaydyng Ortalyq Aziya respublikalaryn ainalyp-tolghanuy on toghyzynshy ghasyrdaghy “Ýlken oiyn” – Resey men Úlybritaniyanyng aimaqtaghy bәsekelestigin eske týsirdi”.
Mine, osylaysha Ortalyq Aziyadaghy yqpaly әlsirey bastaghan AQSh-tyng Qytaygha qarap qabaq shytudan basqa amaly qalmaghanday. Maqala avtory Qytaydyng búghan deyingi eki basshysynyng da Ortalyq Aziya memleketterin aralaghanyn, Sy Szinipin de tәspisinen janylmaghanyn aitady.
Týptep kelgende, AQSh ta, Qytay da Ortalyq Aziyany “mayshelpek” kóredi. Búl jerde qybyn tapqan Qytay “mayshelpekke” qoldy birinshi bolyp molynan saldy. Al AQSh sybaghasynan aiyrylghannyng sandalyp qalghan keypin qúshty.
Ortalyq Aziya memleketterinin, onyng ishinde Qazaqstannyng búlqynugha, qarsylyq kórsetuge dәrmeni joq. Óitkeni Sy shytyrlaghan aqshanyng shetin kórsetip qoydy. Avtokrattar basqaratyn elderdi (Qazaqstan, Ózbekstan, Qyrghyzstan, Týrikmenstan) qalpaqpen úryp alu Qytay ýshin týk emes. Olay bolatyny, búl elderdi jaylaghan jemqorlyq – Qytay ýshin maqsatqa jetuding eng onay joly. Para beru tәsili Qytayda atam zamannan beri bar. Qytaydyng ejelgi jazbalarynda Úly Jibek joly arqyly Ortalyq Aziyadan kelgen bay-manaptargha, keruen basshylaryna para berip, degenine kóndirgeni aitylady. Qytay sol sayasatty әli ústanady. Ortalyq Aziya aimaghynda jaghday kýrt ózgerip, sayasat basqa arnagha auyspayynsha alyp ajdaha tolghap-tolghap júta bermek.
E.Kósherbay.
"Jas Alash" gazeti
