Qazaqstan men Qytay su tasqynymen birlesip kýresu jóninde kelisimge keldi. Búl turaly QR Su resurstary jәne irrigasiya ministrligi habarlady.

Su resurstary jәne irrigasiya ministrligi Qytay Halyq Respublikasy Su sharuashylyghy ministrligimen su tasqynymen kýres baghytynda yntymaqtastyq jónindegi Memorandumgha qol qoidy josparlap otyr. Ministr Núrjan Núrjigitov Ýkimet otyrysynda su tasqynyna dayyndyq barysy turaly bayandady.

Búdan bólek, vedomstvo Resey Federasiyasymen su tasqyny kezeninde taraptardyng is-qimylyn ýilestiru ýshin barlyq transshekaralyq su aghyndary boyynsha birynghay júmys tobyn qúru turaly uaghdalastyqqa qol jetkizdi.

«Tasqyn sudy jinau jәne qauipsiz ótkizudi qamtamasyz etu ýshin ministrlik 2,6 mlrd tekshe metr su saqtay alatyn 42 jana su qoymasyn saludy, jalpy jobalyq kólemi 3,7 mlrd tekshe metr bolatyn 37 su qoymasy men 14,5 myng shaqyrym irrigasiyalyq kanaldy rekonstruksiyalaudy josparlap otyr. Biyl Týrkistan oblysynda 2 su qoymasynyng qúrylysy bastaldy. Aqtóbe, Týrkistan jәne Batys Qazaqstan oblystarynda 3 su qoymasy keshendi rekonstruksiyadan ótude. Sonday-aq, Qazsushar filialdary su tasqyny kezinde ýlken kólemde su qabyldaghan 34 gidrotehnikalyq qúrylysty jóndeu júmystaryn bastady. Batys Qazaqstan jәne Shyghys Qazaqstan oblystarynda 95 shaqyrym kanaldy mehanikalandyrylghan tazalau júmystary jýrgizildi», - dedi ministr Núrjan Núrjigitov.

Ayta ketu kerek, su tasqyny jaghdayy tek jaghymsyz saldargha ghana emes, sonymen qatar su qoymalaryna ekonomika salalarynyng qajettilikteri ýshin paydalanylatyn 12 mlrd tekshe metrden astam su jinaugha mýmkindik berdi.

Mysaly, Q.Sәtbaev atyndaghy kanal arqyly toltyrylatyn Astana su qoymasyna tasqyn suyn jinau 2 mlrd tengeden astam qarajatty ýnemdeuge mýmkindik berdi. Sonday-aq, tasqyn kópten beri tirshilik nәri barmaghan jerlerge sudy baghyttap, ekologiyalyq jaghdaydy jaqsartugha mýmkindik berdi.

Mysaly, Batys Qazaqstan oblysynyng Qamys-Samar kólderine 80 mln tekshe metr, Úlytau oblysynan Qyzylorda oblysyna 839 mln tekshe metr su jiberildi. Tarihta alghash ret Sarysu ózeni arqyly Qyzylorda oblysynyng kól jýielerine su jetkizildi.

Jyl basynan beri Balqash kóline 12 mlrd tekshe metr, Kaspiy tenizine – 7,4 mlrd tekshe metr su jiberildi. 2024 jylghy qyrkýiek aiynyng basyndaghy jedel derekterge sәikes, su qoymalarynan auyl sharuashylyghynda 8,4 mlrd tekshe metr, ónerkәsipte 3,7 mlrd tekshe metr su paydalanyldy.

Abai.kz