Memleket basshysy: Biz tandaghan jol – órkendeu men damu joly
Qasym-Jomart Toqaev Respublika kýnine oray ótken saltanatty jiynda qazaqstandyqtardy últymyzdyng eng úlyq merekesimen qúttyqtap, búl azattyqtyng altyn qazyghyn qaqqan kýn ekenin atap ótti. Búl turaly Aqordanyng baspasóz qyzmeti habarlady.
Memleket basshysy óz sózinde bolashaqqa senimmen qaraytyn últ qana tabysqa jete alatynyna nazar audaryp, ómir bolghan song týrli qiyndyq ta kezdesetinine toqtaldy.
– Elimiz tandaghan damu jolynan eshqashan ainymaydy. Múny biylghy tabighy apat kezinde taghy da dәleldedik. Alapat tasqyn, shyn mәninde, elimiz ýshin zor synaq boldy. Qanshama eldi mekendi qarghyn su basty. Qazaqstannyng 10 aimaghynda tótenshe jaghday jariyalandy. Myndaghan adam baspanasyz qaldy, mal-mýlkin joghaltty. Kýrdeli sәtte mening halyqqa arnayy ýndeu jariyalaghanymdy bilesizder. Onda bir de bir adam eskerusiz qalmaytynyn naqty aittym. Memleket sol uәdesin oryndady. Qysqa merzim ishinde 2700-ge juyq ýy salyndy. Baspanasyn qalpyna keltiru ýshin 9 mynnan astam otbasyna ótemaqy berildi. Sonday-aq 6 myngha juyq ýy satyp alyndy. Jazdan beri myndaghan otbasy qonys toyyn toylady. Memleket býlingen infraqúrylymnyng kópshiligin az uaqytta qalpyna keltirdi, – dedi Preziydent.
Qasym-Jomart Toqaev múnyng bәrin qoghamnyng birlese atqarghan júmysynyng nәtiyjesi dep baghalap, apat saldaryn joiygha atsalysqandargha, әsirese, qútqarushylargha, eriktilerge, kәsipkerlerge jәne basqa da janashyr azamattargha alghys aitty.
– Ózara tileulestik pen qamqorlyqtyng arqasynda synaqtan sýrinbey óttik. Shyn mәninde, bizding barlyq jetistigimiz berekeli birlik pen yrysty yntymaqtan bastau alady. Búl – úiysqan últ, myqty memleket boludyng basty kepili. Elde túraqtylyq bolmasa, eshqanday damu bolmaytynyn qazir әlemde bolyp jatqan oqighalardan anyq angharugha bolady. Ókinishke qaray, kóptegen elder alauyzdyq pen týrli janjaldyng kesirinen toqyraugha úshyrap otyr. «Birlik bar jerde ghana tirlik bar». Búl – aqiqat. Biz elimizde jan-jaqty reformalardy jýzege asyryp jatyrmyz. Búl – eng aldymen, halqymyzdyng tútastyghy men birligining arqasy. Sebebi, biz tandaghan jol – órkendeu men damu joly. Býginde onyng jemisin barsha azamattarymyz kórude, – dedi Memleket basshysy.
Abai.kz
