"Preziydent bolsam Ukraina-Resey soghysyn 24 saghatta toqtatam" degen uәdesi әli oryndalmaghan Tramptyng Kremli qojayyny Putinmen eki saghatqa juyq sóileskeni, ekeuara әngimeni "úzaq әri týbegeyli" dep baghalaghan mәlimdemesi Europany dýr silkindirdi. Kәri qúrlyq basshylary, Fransiya, Ispaniya, Germaniya Sytrqy iste ministrleri sәrsenbi kýni Parjde Europa men Kiyev taraptyng qatysuynsyz ótken kelissózden ondy nәtiyje kýtuding artyq ekenin mәlimdedi. Tramppen sóilesken Zelenskiyding "biz beybitshilik ornatu mýmkindigin, reseymen kelissózder ótkizuding alghashqy qadamdaryn talqyladyq" degenine qaramay qatqyl mәlimdemeler jasauda.

Fransiya Syrtqy ister basshysy Barro: "Ukrainany tәrki etu, tize býguge mәjbýrleu, kýshtiler әlsizdi jútatyn jabayy tabighat zandylyghyna úqsaydy. Álemdegi diktatorlar men kýshtilerge әlsiz kórshilerindi júta ber, jauapkershilikke tartylmaysyng degenmen birdey" -  deydi.

Al 2012-2014 jyldar aralyghynda Amerikanyng reeydegi elshisi bolghan Maykl MakVell myrza: "Ne ýshin Tramp komandasy kelisimge barmay túryp Putinge syilyq úsynady? Men olarmen kelissózder jasasqam. Olargha aldyn ala eshteneni emeurinmen bolsa da beruge bolmaydy" dep jazady.

Onyng menzep otyrghany AQSh Qorghanys ministri Kegsetting keshe Tramptyng Putinmen sóilesuining aldynda ótken Ukrainanyng qauipsizdigi talqylanghan jiynda "2014-jyldyng aldyndaghy shekarany qalpyna keltiru qiyn ekendigi, NATO-nyng ukrainanyng qauipsizdigine kepil qola almaytyny" jayynda aitqan sózderi ekeni әbden týsinikti. Euroodaq basshylary da onyng sózine qarap Tramptyng Putinmen kelisimining astarynda ne jatqanyn baghamdap otyr.

Búryn  kelissózder turaly súraqqa eki úshty jauap beretin Peskov ta "Tramp Putindi Aq ýige shaqyrdy, biz de shaqyrdyq" dep jelpinip otyr. Tramptyng Putinge Halyqaralyq izdeu jariyalaghan Gaga sotyn "zansyz úiym" dep syngha alghany tegin emes siyaqty.

Tramp pen Putinnyng ukraina tarapqa qoyatyn kelisim-sharty júma kýni bastalatyn Munhen qauipsizdik jiynynda tanystyryluy mýmkin eken.

Zelenskiyding Orys tarabymen raqaylasudyng basty talaby retinde orys әskerining jaulap alghan jerlerinen býkildey shyghyp ketui ekenin әlde neshe ret qadap aitqan edi. Ol talaptar oryndala ma, jaqynda belgili bolady.

Abai.kz