Jyl basynan beri 21,400 kiyik qyrylghan

Biyl kóktemde 21 400 kiyik qyrylghan. Búl turaly Ekologiya jәne tabighy resurstar ministri Erlan Nysanbaev mәlimdedi.
Ministrding sózinshe, kiyikterding jappay qyryluyna júqpaly auru emes, tabighy sebepter әser etken.
«Búl – tabighy qúbylys. Kiyikterding ómir sýru úzaqtyghy – orta eseppen 4-5 jyl. Keybiri 8-10 jylgha deyin ómir sýrgenimen, qartayghan, auru-syrqau, әlsiz kiyikter qystyng qatal jaghdayyna tótep bere almaydy. Biyl ólekseler Batys Qazaqstan, Aqtóbe, Atyrau, Qostanay, Úlytau jәne Qaraghandy oblystarynan tabyldy. Jalpy sany – 21 400. Sonyng ishinde eng kóbi – 15 myngha juyq kiyik Úlytau oblysynan anyqtaldy. Veterinarlyq saraptama qorytyndysy boyynsha eshqanday qauipti júqpaly auru tabylghan joq», – dedi Nysanbaev Ýkimet otyrysynan song ótken brifingte.
Ministrding aituynsha, kiyik sanynyng artuy da búl kórinisti kózge anyq bayqatyp otyp. Búryn da әr qystan keyin belgili bir bóligi tirshilik ete almay, tabighy súryptalu bolatyn.
«Kiyikterding analyq bóligining 10 payyzy jyl sayyn tabighy týrde qyrylyp otyrady. Al jeltoqsanda kýiekke týsken atalyqtary da әlsirep, qystan óte almauy mýmkin. Biyl kiyik sany kóp bolghandyqtan, búl tabighy ólim kózge qatty kórinip otyr», – dedi ministr.
Abai.kz