Mәjilis tóraghasy Erlan Qoshanov Últtyq kitap kýni ayasynda ótken «Últtyq kitap» bayqauy jenimpazdaryn saltanatty marapattau rәsimine qatysty.

Últtyq kitap kýni Qazaqstanda biyl alghash ret ótkizilip jatyr. Memleket basshysy Qasym-Jomart Toqaev Atyrauda ótken Últtyq qúryltay otyrysynda bilimge qúshtarlyqty, oqugha degen sýiispenshilikti bildiretin merekeni belgileudi tapsyrghan bolatyn. Osyghan oray «Últtyq kitap» últtyq bayqauy úiymdastyrylyp, onda otandyq jazushylar, kitap shygharushylar, illustratorlar men audarmashylar jenimpaz atandy.

Suret: T. Tanybaev.

Erlan Qoshanov eng aldymen jaqynda ghana dýniyeden ozghan kórnekti qazaq jazushysy, әdebiyet maytalmany Ákim Tarazidy eske alyp, kónil aitty.

Odan әri saltanatty is-sharanyng mәn-manyzyna toqtalyp, qazirgi zamanda aqparat kózderining kóptigine qaramastan, kitaptyng orny erekshe ekenin atap ótti.

Suret: T. Tanybaev.

– San ghasyrlar ótse de, kitaptyng adamzat ýshin manyzy ózgergen joq. Býginde kitap – ziyatker últ pen sanaly qogham qalyptastyrudyng negizgi qúralyna ainaldy. Qazirgi tanda qoldanyp jýrgen barlyq tehnologiya, medisina, óner bәri de kitap oqu arqyly damyghan. Sondyqtan Memleket basshysy aitqanday, kitap últtyng ruhany qúndylyghyna ainaluy tiyis. Últtyq kitap kýnin atap ótuding basty maqsaty – osy, – dedi Mәjilis spiykeri.

Erlan Qoshanov óz sózinde otandyq kitap shygharu salasyndaghy ózekti mәselelerge de toqtaldy. Atap aitqanda, syrtqy naryqqa tәueldilik, qazaq tilindegi әdebiyetting ýlesi az boluy jәne basqa da týitkildi jayttargha nazar audardy.

Suret: T. Tanybaev.

– Preziydent Últtyq qúryltayda iydeologiya salasyndaghy basty baghyttardyng biri – kitap shygharu ekenin basa aitty. Qazirgi tanda memleket búl baghytqa erekshe kónil bólip otyr. Mysaly, Parlamentte qyzu talqylanyp jatqan jana Salyq kodeksi jobasynda deputattar otandyq kitap baspalaryn qosylghan qún salyghynan bosatu jóninde úsynys engizdi. Búl mәselede Ýkimetpen ortaq sheshimge kelemiz dep ýmittenemiz, – dedi Mәjilis tóraghasy.

Sonymen qatar Memleket basshysynyng qoldauymen elimizde kitaphanalar jýiesi janghyrtylyp jatqany, kitaphanashylardyng jalaqysy kóterilip, sifrlyq kitaphanalar damyp jatqany aityldy. Búl óz nәtiyjesin berude. Býginde respublikada shamamen 4 myng kitaphana júmys isteydi, olardyng túraqty paydalanushylary 5 millionnan asa adam, onyng besten biri – balalar.

«AMANAT» partiyasynyng jetekshisi retinde Erlan Qoshanov «KITAP – AMANAT» partiyalyq jobasynyng manyzdylyghyna da toqtaldy. Búl joba otandyq kitaptardy keninen nasihattaudy kózdeydi. Qazirgi tanda búl joba ayasynda elimizding barlyq ónirindegi partiya filialdary janynan 24 ortalyq ashylghan. Onda kitap kórmeleri, avtorlarmen kezdesuler jәne ózge de is-sharalar úiymdastyrylady.

Saltanatty rәsim sonynda Mәjilis spiykeri últtyq bayqaudyng bas jýldesi – «Jyl kitaby» gran-priyin tabystady. «Últtyq kitap» últtyq bayqauynda «Qazaqstannyng tarihy túlghalary» seriyasy ýshin «Almaty kitap» baspasynyng preziydenti Gauhar Saymasaeva marapatqa ie boldy.

Suret: T. Tanybaev.

Últtyq bayqau 10 nominasiya boyynsha ótkizildi: «Balalargha arnalghan ýzdik kitap», «Ýzdik komiks», «Non-fikshn janryndaghy ýzdik kitap», «Detektiv janryndaghy ýzdik kitap», «Satira janryndaghy ýzdik kitap», «Illustrasiyalanghan ýzdik kitap», «Audarmadaghy ýzdik kitap», «Fantastika janryndaghy ýzdik kitap», «Ýzdik baspa ýii» jәne «Jyl kitaby» gran-priyi.

Marapattau rәsimine Mәdeniyet jәne aqparat ministri Ayda Balaeva, mәdeniyet qayratkerleri, qogham belsendileri, Parlament deputattary qatysty.

Abai.kz