Elimizdegi Barlyq keden beketi men kedendik resimdeu ortalyqtarynda (KRO) «qyzyl týime» ornatyldy. QR-kodty skanerleu arqyly azamattar men syrtqy ekonomikalyq qyzmetke qatysushylar tuyndaghan mәsele boyynsha MKK tóraghasyna tikeley jýginuge mýmkindik alady.

— Búl qúral keden qyzmetterin alu kezinde tuyndaytyn qiyndyqtargha jedel әreket etuge jәne qyzmetkerler tarapynan әdepsiz minez-qúlyqtyng aldyn alugha baghyttalghan, — delingen Memlekettik kirister komiytetining habarlamasynda.

Ótinimdi beru formasy qarapayym әri týsinikti, ony birneshe minut ishinde toltyrugha bolady. Qalauynyz boyynsha ótinimdi anonimdi týrde joldaugha mýmkindik bar.

— Biz azamattarmen jәne biznes-qoghamdastyqpen ashyq әri әdil dialog ornatugha úmtylamyz. Árbir kelip týsken ótinim qysqa merzimde qaralyp, tiyisti sharalar qabyldanady. Kedergilerge nemese sapasyz qyzmet kórsetuge tap bolghan әrbir adamdy osy mýmkindikti paydalanugha shaqyramyz. Sizding dauysynyz — tiyimdi, ashyq әri kliyentke baghyttalghan kedendik әkimshilendiru jýiesin qalyptastyrudyng manyzdy bóligi. Memleket pen qoghamnyng birlesken kýshi ghana servisting sapasy men senim dengeyin arttyra alady, — delingen habarlamada.

Ayta ketelik Oljas Bektenov Keden qyzmetine qúqyq qorghau organynyng funksiyalaryn beru qajet degen edi.

Abai.kz