ەلىمىزدەگى بارلىق كەدەن بەكەتى مەن كەدەندىك رەسىمدەۋ ورتالىقتارىندا (كرو) «قىزىل تۇيمە» ورناتىلدى. QR-كودتى سكانەرلەۋ ارقىلى ازاماتتار مەن سىرتقى ەكونوميكالىق قىزمەتكە قاتىسۋشىلار تۋىنداعان ماسەلە بويىنشا مكك توراعاسىنا تىكەلەي جۇگىنۋگە مۇمكىندىك الادى.

— بۇل قۇرال كەدەن قىزمەتتەرىن الۋ كەزىندە تۋىندايتىن قيىندىقتارعا جەدەل ارەكەت ەتۋگە جانە قىزمەتكەرلەر تاراپىنان ادەپسىز مىنەز-قۇلىقتىڭ الدىن الۋعا باعىتتالعان، — دەلىنگەن مەملەكەتتىك كىرىستەر كوميتەتىنىڭ حابارلاماسىندا.

ءوتىنىمدى بەرۋ فورماسى قاراپايىم ءارى تۇسىنىكتى، ونى بىرنەشە مينۋت ىشىندە تولتىرۋعا بولادى. قالاۋىڭىز بويىنشا ءوتىنىمدى ءانونيمدى تۇردە جولداۋعا مۇمكىندىك بار.

— بىز ازاماتتارمەن جانە بيزنەس-قوعامداستىقپەن اشىق ءارى ءادىل ديالوگ ورناتۋعا ۇمتىلامىز. ءاربىر كەلىپ تۇسكەن ءوتىنىم قىسقا مەرزىمدە قارالىپ، ءتيىستى شارالار قابىلدانادى. كەدەرگىلەرگە نەمەسە ساپاسىز قىزمەت كورسەتۋگە تاپ بولعان ءاربىر ادامدى وسى مۇمكىندىكتى پايدالانۋعا شاقىرامىز. ءسىزدىڭ داۋىسىڭىز — ءتيىمدى، اشىق ءارى كليەنتكە باعىتتالعان كەدەندىك اكىمشىلەندىرۋ جۇيەسىن قالىپتاستىرۋدىڭ ماڭىزدى بولىگى. مەملەكەت پەن قوعامنىڭ بىرلەسكەن كۇشى عانا سەرۆيستىڭ ساپاسى مەن سەنىم دەڭگەيىن ارتتىرا الادى، — دەلىنگەن حابارلامادا.

ايتا كەتەلىك ولجاس بەكتەنوۆ كەدەن قىزمەتىنە قۇقىق قورعاۋ ورگانىنىڭ فۋنكتسيالارىن بەرۋ قاجەت دەگەن ەدى.

Abai.kz