Qazaqstan Qorghanys salasynda Kremli ýshin soqqy bolarlyqtay qadam jasady. Újymdyq qauipsizdik sharty úiymyndaghy (ÚQShÚ) Reseyding odaqtasy bolyp tabylatyn Qazaqstan NATO elderimen әskery yntymaqtastyqty keneyte bastady.

«Qazaqstan men Úlybritaniyanyng qorghanys ministrlikteri aghymdaghy jәne aldaghy jyldargha yntymaqtastyq turaly kelisimge keldi. Qújatqa qazaqstandyq delegasiyanyng Úlybritaniya astanasyna sapary barysynda qol qoyyldy», - dep habarlady respublika qorghanys isteri departamentining baspasóz qyzmeti.

Kezdesu barysynda taraptar yntymaqtastyqtyng qazirgi jay-kýiin talqylap, aldaghy uaqyttaghy mindetterdi belgiledi. Negizgi baghyttardyng biri – qazaqstandyq sarbazdardy Úlybritaniyadaghy әskery joghary oqu oryndarynda oqytu bolmaq. Josparda bitimgershilik jattyghulary men aghylshyn tili kurstary da bar.

Ótken jyly Astana men London strategiyalyq әriptestik turaly qújatqa qol qoydy. Sodan keyin Úlybritaniya Syrtqy ister ministrligining basshysy Ortalyq Aziyadaghy sauda, túraqty damu jәne aimaqtyq yntymaqtastyq salalaryndaghy jobalargha 50 million funt sterling bóletinin habarlady.

Ósip kele jatqan geosayasy shiyelenis jaghdayynda Qazaqstan qorghanys salasyn nyghaytudy jalghastyruda. Ótken aida artilleriyalyq oq-dәri shygharatyn jana zauyttyng qúrylysy bastaldy, onyng ishinde NATO standarttary boyynsha 155 mm snaryadtar shygharu isi qolgha alyndy. Maqsat – qaru-jaraq importyna tәueldilikti azaytu.

Búl rette Astana syrtqy sayasatyn әrtaraptandyruda jәne Reseymen jana odaqtar men birlestikterge kiruge saqtyqpen qaraydy.

Jaqynda Qazaqstan Preziydenti Qasym-Jomart Toqaev elimizding BRIKS-ke qosyludy josparlamaytynyn jәne seriktes mәrtebesimen shekteletinin aitty. Búl sheshimdi týsindirgen Qazaqstan basshysy «pragmatikalyq sebepterdi» jәne úiymnyng naqty qúrylymynyng joqtyghyn algha tartty.

Kerimsal Júbatqanov,

tarih ghylymdarynyng kandidaty, S. Seyfullin atyndaghy Qazaq agrotehnikalyq zertteu uniyversiytetining dosenti

Abai.kz