Qazaqstanda Ortalyq Aziya-Qytay sammiyti ótu josparlanghannan beri әlemdik Baq Qytay men Qazaqstannyng baylanysy turaly jarysa jazyp jatyr. Solarydng biri Upstream aqparattyq sayty.

Atalghan aqparat ortalyghynyng jazuynsha, 2022 jyldan beri birneshe ret ótkizilgen auksiondarda Ustyurt 2 uchaskesine qyzyghushylyq bolmaghan.

«Qazaqstan iri qúrlyqtyq uchaskege barlau jәne iygeru qúqyqtaryn jekemenshik qytaylyq investorgha berdi. Búl qúqyqtar úsynylghan toghyz uchaskening tek tórteuine ghana iyelik etiletin auksion nәtiyjesinde rәsimdeldi. Energetika ministrligining mәlimetinshe, Kazakhstan Dinghua Energy kompaniyasy Ustyurt 2 uchaskesin barlau jәne iygeru qúqyghyn alu ýshin 150 million tenge (shamamen 297 myng AQSh dollary) úsynyp, búl kórsetkish bastapqyda kýtilgen somadan eki ese kóp boldy. Atalghan uchaske 5400 sharshy shaqyrymnan astam aumaqty qamtidy jәne Qazaqstannyng dәstýrli múnayly ónirlerining biri – Manghystau oblysynda, Kaspiy tenizining shyghys jaghalauynda ornalasqan».

Ayta ketelik, Ustyurt 2 uchaskesi 2022 jyldan beri birneshe auksionda úsynylghanymen, onyng shalghay ornalasuyna jәne osy ónirdegi basqa uchaskelerde kommersiyalyq kómirsutek qorlaryn anyqtau barysynda kezdesken qiyndyqtargha baylanysty investorlar tarapynan aitarlyqtay qyzyghushylyq bolmaghan. Búl aimaq Ózbekstanmen shekaralas múnay-gaz beldeuine de kiredi.

«Qazaqstannyng kompaniyalar tizimindegi derekterge sýiensek, Kazakhstan Dinghua Energy 2024 jyldyng tamyz aiynda Astanada tirkelgen jәne onyng negizgi qyzmet týri – múnay men ilespe gaz óndiru. Kompaniyanyng jalghyz qúryltayshysy – esimi belgisiz jeke túlgha. Kompaniya uchaske qúqyghy ýshin 297 myng dollar tóleytin bolady, biraq Energetika ministrligi belgilegen sharttargha sәikes, birinshi barlau kezeninde kem degende 15 million dollar investisiya saluy qajet.

Bastapqy kezende shamamen 1500 shaqyrym 2D seysmikalyq derekterdi jinau (shamamen 6 million dollar) jәne ýsh barlau únghymasyn búrghylau (shamamen 9 million dollar) kózdelip otyr. Auksiondaghy eng iri úsynys Almaty Oil Ventures kompaniyasynan týsip, ol Zharkent uchaskesin 809 million tengege (shamamen 1,6 million dollar) jenip aldy.

Zharkent uchaskesi 2500 sharshy shaqyrymnan astam aumaqty qamtidy jәne Týrikmenstannan Qytaygha Qazaqstan arqyly ótetin iri gaz qúbyryna jaqyn ornalasqan Jetisu men Almaty oblystarynda ornalasqan. Energy Monitor saraptamalyq tobynyng dereginshe, Almaty Oil Ventures kompaniyasy – qazaqstandyq múnay salasynyng investorlaryna tiyesili. Energetika ministrligi atalmysh kompaniyanyng 12 million dollar kóleminde investisiya salyp, 2D seysmikalyq derekter jinap, eki barlau únghymasyn búrghylaugha dayyn boluy qajet ekenin mәlimdedi.

Sonday-aq, Kokoy jәne Sarysu uchaskelerin tiyisinshe Taraz Petroleum jәne Earth Oil & Gas kompaniyalary jenip aldy. Búl kompaniyalar da Qazaqstanda tirkelgen jәne jergilikti kәsipkerlerge tiyesili. Kokoy uchaskesi Jambyl oblysynda 1300 sharshy shaqyrymdy qamtidy, al Sarysu – Qyzylorda jәne Týrkistan oblystarynda ornalasqan jәne shamamen 2000 sharshy shaqyrym aumaqty alyp jatyr.

Búdan ózge bes uchaske boyynsha ministrlikke aldyn ala qyzyghushylyq bildirilgenimen, onlayn auksiongha qatysushylar bolmaghan. Sonymen qatar, 28 mamyrda ótken auksion aldynda taghy eki uchaske bastapqy qyzyghushylyq bolmaghandyqtan, auksionnan alynyp tastalghan», - dep jazajy atalghan aqparat agenttigi.

Abai.kz