26 qyrkýiek kýni Almatydaghy META Uniyversiytetinde Qazaqstan tarihynda túnghysh ret qazaq tilinde oqytylatyn eki diplomdy MBA baghdarlamasynyng resmy tanystyrylymy ótti.

Búl shara jay ghana jana bilim beru jobasynyng bastaluy emes, ol Qazaqstandaghy ekonomikanyng damuy men últtyq kadrlardy dayarlaudaghy ózekti mәselelerdi ashyq talqylaugha sebep boldy.

Ekonomika men kadrlar mәselesi:

Panelidik pikirtalas barysynda sarapshylar Qazaqstandaghy ekonomikalyq ósimning bayaulauyna sebep bolyp otyrghan birqatar faktorlardy atap ótti. Atap aitqanda, kóptegen óndiristik jәne otandyq kompaniyalardyng naryqtaghy ornyn saqtay almauy, keybir jobalardyng toqtap qaluy kәsiby basqarushylardyng jetispeushiligimen tikeley baylanysty ekendigi aityldy.

Kәsipkerlerding pikirinshe, bәsekege qabiletti ekonomika ýshin eng әueli myqty menedjment qajet. Qazaqstandyq kompaniyalar jaqsy ónim shyghara alady, biraq kәsiby basqaru, strategiyalyq josparlau men naryqtyq iykemdilik jetkiliksiz bolghan jaghdayda olar úzaq merzimde tabysqa jete almaydy.

Qazaq tilining róli men jana buyn menedjerleri:

Talqylau barysynda qazaq tilining biznestegi orny da erekshe nazargha alyndy. Songhy jyldary kóptegen kompaniyalarda qazaq tildi mamandardyng róli artyp kele jatqany atap ótildi. Búl ýrdis últtyq tilde kәsiby menedjment mektebining payda boluyn qajet etken.

Sarapshylardyng aituynsha, memlekettik tilde joghary sapaly biznes-bilimning bolmauy úzaq jyldar boyy kәsiby ósimge kedergi keltirdi. Endi Qazaq MBA baghdarlamasy osy olqylyqtyng ornyn toltyryp, qazaq tilinde oilaytyn, kәsiby dengeyde sheshim qabylday alatyn jana buyn menedjerlerdi dayarlaudy maqsat etedi.

Is-sharagha qatysqan kәsipkerler búl bastamanyng el damuy ýshin manyzyn atap ótti.

• Dulat Tәstekey (TAS GROUP) qazaqstandyq bizneske últtyq mýddeni qorghaytyn jana basqarushylar qajet ekenin aitty.
• Jalyn Jaynarbay (Signtech.kz, Almaty qalasy Mәslihatynyng deputaty) biznes-bilimdi qazaq tilinde mengeruding bәsekelik artyqshylyqtary baryn atap ótti.
• Ruslan Núrlybaev (SAVENERGY) halyqaralyq tәjiriybeni últtyq ortagha beyimdeuding manyzyn bólisti.
• Qúmar Júmahan (Avtomoda, Avto Space Detailing) qazaq tilinde MBA baghdarlamasynyng týlekteri jana buyn kóshbasshylargha ainalatynyna senim bildirdi.

META Uniyversiytetining rektory, Qazaqstandaghy eng jas әri әlemdegi eng jas rektorlardyng biri, Ayjan Maratqyzy óz sózinde ghylym men sapaly bilim berudi damytugha әrqashan qoldau bildiretinin aitty. Ol Nazarbaev Uniyversiytetining alghashqy Ph.D. baghdarlamasynyng týlekterining biri retinde óz tәjiriybesin bólisip, jana bastamagha joghary bagha berdi:

«Maghan búl joba erekshe qymbat. Biz búl baghdarlamany iske qosugha úzaq dayyndaldyq, ýlken enbekten óttik. Býgin qazaq tilinde sapaly eki diplomdy MBA baghdarlamasyn úsyna alghanymyz – uniyversiytetimiz ýshin ýlken jetistik. Búl – qazaqstandyq bilim beru jýiesining jana belesi. Alghashqy tyndaushylargha sәttilik tileymin», – dedi Ayjan Maratqyzy.

META Uniyversiytetining bastamasymen ashylghan Qazaq MBA baghdarlamasy – últtyq tilde kәsiby menedjerlerdi dayarlaugha baghyttalghan alghashqy әri tarihy qadam. Baghdarlama týlekterine birden eki diplom alu mýmkindigi berilip, olardy halyqaralyq dengeyde bәsekege qabiletti basshylar qataryna qosady.

«Qazaqstan ekonomikasynyng bolashaghy – kәsiby menedjerlerding sapasyna baylanysty. Bizge jahandyq dengeyde oilaytyn, biraq últtyq mýddege qyzmet etetin jana buyn qajet. Qazaq MBA dәl osy missiyany atqarady», – dedi joba negizin qalaushy Maqsat Halyq.

Abai.kz