Qazaqstanda nan qymbattay ma? Elde astyq baghasy kóterilui mýmkin be? degen saualdargha QR Auyl sharuashylyghy ministrligi Eginshilik departamentining diyrektory Nazgýl Hatepova «Týiin» aqparattyq-taldamalyq baghdarlamasyna bergen súhbatynda jauap berdi.

Spiykerding aituynsha, qazir ónirlerde jana týsken bidaydyng tonnasy 85-90 myng tengeden satylyp jatyr. Búl qolayly bagha, sondyqtan qymbatshylyq kýtilmeydi.

-  Nannyng ózindik qúnyndaghy bidaydyng ýlesi 50% shamasynda. Qalghany elektr energiyasy, janar may, jalaqy sekildi balamaly shyghyndar. Bidaygha keletin bolsaq, ishki naryqta jana ónim bidayy 85-90 myng tengeden satylyp jatyr. Qayta óndeushiler ýshin búl qymbat emes, ynghayly bagha. Sondyqtan, qazir ishki naryqta óte kóp kólemde jana ónim týskennen keyin yaghny úsynystyng kóp boluyna baylanysty biday baghasynyng odan әri sharyqtauyn kýtpeymiz, - dedi Nazgýl Hatepova.

Býginde Qazaqstan bidayyn әlemning 50-ge juyq memleketi satyp alady. Byltyr alghash ret Marokkogha 60 myng tonna biday, Vietnamgha alghashqy 15 myng tonna biday jóneltildi. Sonday-aq Irangha 1 mln tonna arpa jetkizildi.

AShM: ELDE ASTYQ KEPTIRU AGREGATTARY JETKILIKTI

Ónirlerde astyq keptiru agregattary jetkilikti. Býginde el boyynsha 3,1 mln tonna astyq keptirilip, qambagha qúiylghan. El boyynsha 17 mln tonna astyq bastyryldy. Nazgýl Hatepova «Týiin» aqparattyq-taldamalyq baghdarlamasyna bergen súhbatynda búl jayynda da toqtaldy. Astyq keptiru ýshin 40 myng tonna arzandatylghan diyzeli otyny bólingen.

- Astyqty óndirgennen keyingi eng negizgi mәsele búl astyqty saqtap qalu. Saqtau ýshin kondisiyalyghyna jetkizip ony keptiru kerek. Biz búl mәseleni  әkimdiktermen birge jiti baqylauda ústap túrmyz. Qazir el boyynsha 1172 astyq keptiru agregaty bar. Búl ónimdi tolyqqandy keptirip, odan keyin saqtaugha jiberuge tolyghymen jetkilikti,  - dedi spiyker.

Baghdarlamanyng tolyq núsqasy:

Abai.kz