Memleket basshysy beybit kýnning batyrlaryna shynayy rizashylyghyn bildirip, azamattyq qorghau salasynyng elimiz ýshin strategiyalyq manyzy erekshe ekenin atap ótti. Búl turaly Aqordanyng baspasóz qyzmeti habarlady.

– Konstitusiyamyzdyng alghashqy babynda «Adam jәne adamnyng ómiri – memleketting eng qymbat qazynasy» ekeni anyq kórsetilgen. Azamattyq qorghau salasynyng әr qyzmetkeri el qauipsizdigi jәne azamattarymyzdyng amandyghy ýshin qajyrly enbek etude. Shyn mәninde, qútqarushy bolu – kez kelgen tótenshe jaghdaygha dayyn túru, eshqanday qauip-qaterge qaramastan adam ómirine arasha týsu degen sóz. Búl – әriyne, óte abyroyly is, jauapty qyzmet. Halqymyz ózderiniz siyaqty batyl, erjýrek jәne eng bastysy, naghyz otanshyl azamattardy әrdayym maqtan tútady. Sizderding adal qyzmetteriniz – óskeleng úrpaq ýshin óte jaqsy ýlgi-ónege, – dedi Qasym-Jomart Toqaev.

Preziydent songhy jyldary elimiz bastan ótkergen tabighy apattardyng eng auyr salmaghy qútqarushylargha týskenin aitty.

– Byltyr alapat su tasqyny kezinde sizder júrtty qauipsiz jerge kóshirip, apattan aman alyp qaldynyzdar. Qostanayda, Semeyde jәne basqa da aimaqtarda bolghan orman órtine qarsy túryp, tilsiz jaumen kýrestinizder. Tótenshe jaghday bolghan aimaqtargha ózim de arnayy bardym. Erlikke bergisiz naghyz enbekti óz kózimmen kórdim. Sondyqtan azamattyq qorghau salasy mamandarynyng kәsiby sheberligi jәne tabandy enbegining arqasynda biz bir el bolyp barlyq qiyndyqty enserdik dep tolyq senimmen aitugha bolady. Jalpy, qútqarushylarymyz songhy 5 jylda 225 myngha juyq adamnyng ómirin saqtap qaldy. Sonday-aq sheteldegi gumanitarlyq missiyalargha qatysyp, kәsiby dengeyi joghary ozyq maman ekenin dәleldedi. Sol arqyly elimizding halyqaralyq bedelin arttyrugha atsalysty. Osy orayda býgin men elimizdegi barlyq qútqarushylargha taghy da zor alghysymdy aitamyn, – dedi Memleket basshysy.

Ayta keteyik, Mayqayyng altyn kenishinde qaza tapqan tórt qútqarushynyng ruhyna memorialdyq keshen ashyldy.

Abai.kz