Kózge ә degende jarq etip kórinbegenimen, AQSh pen Batys sanksiyalary Reseyding ishki ekonomikasyn birte-birte kýiretip jatyr. Ónirler budjetin eselep qysqartyp, әleumettik baghdarlamalardy toqtatugha mәjbýr. Rostovtan Irkutskke deyingi oblystarda múghalimder men dәrigerler jalaqysynyng ýstemaqysynan aiyrylyp, ónirlik biylik «aqsha joq» dep moyyndaugha mәjbýr.

67 ÓNIRDE AQShA JOQ...

Ekonomisterding mәlimetinshe, Reseyding 67 óniri biyl qarjylyq tapshylyqpen júmys istegen. Birinshi jartyjyldyqtaghy budjet defisiyti 398 mlrd rubli bolsa, qyrkýiek sonynda ol 725 mlrd-qa jetken. Keybir aimaqtarda tapshylyq kiristing 30 payyzynan asyp týsken.

Mәskeu soghys pen әskery óndiristi qarjylandyrudy birinshi oryngha qoyyp, әleumettik salany qúrbandyqqa shalghan. Federaldyq ortalyq aimaqtargha bólinetin transfertterdi qysqartyp jatyr. Al múnday jaghdayda qarapayym halyqtyng jaghdayy nasharlap, ónirler ekonomikasy «tiri qalu» rejiymine kóshken.

Búghan qosa:

RESEYDING MÚNAYY MEN GAZYNAN BAS TARTU...

1) Týrkiyanyng eng iri múnay óndeu zauyty sanalatyn «SOCAR Turkey Aegean Refinery» «Lukoyl» men «Rosneftike» qarsy sanksiyalar әserinen reseylik shiykizatty satyp aludy azaytyp, Qazaqstan, Irak jәne basqa elderding múnayyna bet búrghan.

2) «Tüpraş» kompaniyasy da Reseyden bas tartugha úmtylyp, balama kózderdi izdep jatyr.

3) Ýndistandyq bolat magnaty Lakshmy Mittaldyng múnay óndeu jónindegi birlesken kәsiporny «HPCL-Mittal Energy» reseylik múnaydy satyp aludy toqtatatynyn habarlady.

4) Qytaydaghy eng iri memlekettik kompaniyalar «Sinopec» jәne «PetroChina» AQSh-tyng «Lukoyl» men «Rosneftike» qarsy sanksiyalarynan keyin key reseylik múnay jetkizilimderin toqtatty (Bloomberg). «Shandong Yulong» sekildi shaghyn MÓZ-der de EO men Úlybrirtaniya sanksiyalarynan keyin reseylik energojetkizilimderdi qysqartqan.

5) Osyghan deyin Ýndistan da Resey múnayyn satyp aludy bir toqtatyp, Resey budjeti shyghyn kórgen edi. Al «Lukoyl» sanksiyalardan song sheteldik aktivterin satylymgha shyghardy.

Osylaysha, Reseyding ónirleri әleumettik daghdarysqa batyp otyr. Al Kremli soghys pen sanksiyanyng túnghiyghynda qalghanyna qaramastan, bitimnen bas tartuda...

Týiin: Reseyding biyligi men halqynyng tabighaty jýz elu jylda esh ózgermegen. Resey imperiyasyn tizgindegen Aleksandr III patsha: «Vsu kaznu na voynu», - dep biylik qúrdy. Arada 140 jyl ótkende Putin deytin dýley shyghyp, imperiya qúrugha ólermendik jasap, halqyn ash-jalanash qaldyryp, ainalasyna soghys ashyp, jútap-jýdegen halqyn: «Deneg net, no vy derjiytesi», - degen sayasatpen biyleude.

Abai.kz