Keshe AQSh preziydenti Tramptyng Ukrainagha shýiligip, Ukrainada preziydenttik saylau ótkizu kerektigin aitqan.

AQSh preziydenti Politico-gha súhbat berip, Zelenskiyge әbden shýilikti. Qúddy sózderin Ushakov pen Peskov jazyp bergendey estiledi. Mine, bylay deydi:

- Ukrainany NATO-gha qabyldamaydy. Múnday týsinik әuelde bolghan. Putinge deyin-aq, Ukrainanyng NATO-gha qabyldanbaytyny belgili dýnie edi. Al olar múny talap etip otyr, - deydi.

- Zelenskiy Putinmen alghashqy kezdesuinde mynany aitqan: Qyrymdy qaytaru jәne NATO-gha qosylu. Jәne múny tótesinen aitqan. Ol tyrnaqshanyng ishinde «myqty saudager». Búlay bolmaydy, - deydi.

- Meninshe Ukrainada saylau ótkizetin uaqyt keldi. Qazir saylau ýshin eng qolayly uaqyt. Olar saylau ótkizbeu ýshin soghysty syltau etude. Al Ukraina halqynyng tandaugha qúqy bar. Tipti, saylauda Zelenskiy jenip ketui de mýmkin ghoy. Kim jenetinin men bilmeymin. Olar demokratiya turaly aitady da, ózderi odan alshaqtaydy, - dedi.

- Meninshe Europa qazir óte әlsiz. Olar óte-móte sayasy sauatty bolghysy keledi. Meninshe, olar ne isteu kerektigin bilmeydi. Al men Europarlamentte sýiikti kandidattarymdy qoldap kelem. Tipti olargha únamaytyn Viktor Orban sekildi liyderlerdi qoldadym, - dedi.

- Bәlkim, Zelenskiy biz úsynghan kelisim jobasyn bir týnde oqyp shyqqan shyghar. Oghan taghy bir qaytalap múqiyat oqyp, tanysyp shyghu kerek. Búl jospar onyng sheneunikterine, kenesshilerine, jogharghy lauazymdy ókilderine óte óatty únady. Biraq, olar Zelenskiyding búl josparmen әli tanyspaghanyn aitty. Zelenskiyge bizding josparmen tanysyp shyghu kerek, - deydi.

- Zelenskiy myqty saudager. Men ony P.T.Barnumgha teneymin. Barnumnyng kim ekenin bilesizder ghoy? Jer betindegi eng myqtylardyng biri. Ol kez kelgen tauardy kez kelgen uaqytta sata alatyn. Búl shyndyq. Zelenskiy Bayden degen alayaqty 350 mlrd dollar beruge kóndirdi. Múnyng aqyry ne boldy? Ol elining 25 payyzynan aiyrylyp qaldy, - deydi.

Osyghan deyin Politico basylymy: «AQSh Ukrainagha qysym jasap, Donbasstan ketuge iytermeleude. Kiyev búghan ýzildi-kesildi qarsy. Zelenskiy beybitshilik Kremliding qalaularyna emes, qazirgi maydan syzyghyna negizdelip jasaluy kerek degen pozisiyada. Al AQSh kelissózderdi jyldamdatu ýshin, Kiyevke qysymdy arttyruda», - dep jazghan edi.

Ártýrli derekter boyynsha: Qazir Ukraina tútas Donbasstyng 20 payyzyn baqylauda ústap otyr. Sonyng ishinde Kramatorsk pen Slavyansk Ukraina baqylauynda.

Zelenskiy shúghyl mәlimdeme jasap, Trampqa jauap berdi:

- Erteng Trampqa janartylghan kelisim jobasyn úsynamyz. Qazir europalyq әriptesterimizben birge әzirlep jatyrmyz, - dedi.

- Ukraina Reseymen tikeley kelissóz jýrgizip jatqan joq. Oghan Resey qúlyqsyz, - dedi.

- Eger Resey kelisse, biz energetikalyq sektorgha shabuyldamau turaly bitim jasasugha әzirmiz, - dedi.

- Ukraina qazir óz qarularyn, sonyng ishinde balistikalyq zymyrandy «Sapsandy», janartylghan «Neptundy», «Palyanisany», «Flamingolardy» qoldanuda, - dedi.

- Men saylau ótkizuge dayynmyn. Saylau mәselesin Ukraina halqy anyqtaydy. Men erteng Ukrainada bolamyn. Sol sәtte bizding seriktesterden, deputattardan әskery jaghdayda saylau ótkizu turaly úsynys kýtemin. Ol ýshin zannamalyq ózgerister kerek bolmaq. Al qazir AQSh-tan jәne europalyq әriptesterden saylaudy ótkizu ýshin qauipsizdikti qamtamasyz etudi súraymyn. Sonda biz aldaghy 60-90 kýnde saylau ótkize alamyz, - dedi.

- Men realistpin. Bizding NATO-gha qosylghymyz keledi. Búl - әdiletti. Biraq, AQSh ta, ózge birneshe el de bizdi NATO-da kórmeydi. Resey ekibastan qarsy. Sondyqtan, búl qazir mýmkin emes, - dedi.

- Qyrymdy qaytarugha kýshimiz kelmeydi. Jaghdaygha shynayy kózben qarau kerek. Bizge layyqty qoldau da joq, - dedi.

- Búl soghysty bastaushy bir ghana el. Ol - Resey. Múny әlem júrty biledi. Sondyqtan qysymdy qorghanyp jatqan Kiyevke emes, basqynshy Reseyge jasau әdiletti bolmaq, - dedi.

Túzdyq: Tramp súhbat berip, Zelenskiyding saylau ótkizui tiyis ekenin, Qyrymdy qaytara almaytynyn, NATO-gha mýshe bolmaytynyn jәne AQSh josparyn qabyldauy tiyis ekenin aityp shýilikken.

Al Zelenskiy osynsha nópir qysymnyng astynda bola túra, tyghyryqtan shyghudyng bar amalyn jasap baghuda…

«Saylaugha da maqúlmyz, NATO-gha da kóndik, Qyrymgha da qol búlghaymyz. Biraq, qauipsizdik kepildigi men Donbass mәselesinde, Sumski men Harikovtegi basqynshy әskeri kirgen jerler boyynsha, Zaporoj AES-i boyynsha bizding de talap-sharttarymyz eskerilui tiyis», - degen pozisiyasyn bildirude…

Abai.kz