«Ádil sóz» halyqaralyq qorynyng preziydenti Qarlyghash Jamanqúlova Qyzylordada ótip jatqan V Últtyq qúryltayda Paralmenttegi әielder kvotasyn saqtaudyng manyzy jóninde pikir bildirdi.

Keshe Últtyq qúryltaydyng «Azamattyq qogham» seksiyasynyng otyrysy ótip, 26 qúryltay mýshesi óz úsynystaryn ortagha salghan.

— Parlamentti reformalau jónindegi júmys tobynyng mýshesi retinde onyng jýielik manyzyn aitpay ketu mýmkin emes. Qos palataly jýieden bir palataly modelige kóshu mәselesi sarapshylar arasynda úzaq uaqyt talqylanyp keledi jәne býginde keng qoghamdyq qoldaugha iye bolyp otyr. Osy orayda partiyalyq tizimderdegi әielder kvotasyn saqtaudy ótinish retinde aitqym keledi, — dedi Qarlyghash Jamanqúlova Preziydent qatysuymen ótip jatqan V Últtyq qúryltayda.

Spiyker sheshim qabyldau jýiesindegi әielderding qatysuyn keneytu Memleket basshysy tarapynan dәiekti týrde qoldau tauyp kele jatqanyn atap ótti.

— 2022 jylghy sayasy reformalar paketi ayasynda partiyalyq tizimder men ókildi organdardaghy kvotany zannamalyq túrghydan bekitudi óziniz úsynghan ediniz. Áyelderding zang shygharushy organdardaghy túraqty qatysuy qabyldanatyn sheshimderding sapasyn arttyrady, kýn tәrtibin keneytedi jәne ókildi instituttardyng legitimdigin kýsheytedi. Sondyqtan 2022 jyly óziniz negizin qalaghan sayasy jýieni janghyrtu qaghidattarynyng institusionaldyq túrghyda bekip, sabaqtastyghyn qamtamasyz etu tetigi retinde әielder kvotasyn 30% kóleminde saqtaudy súraymyn, — dedi Q. Jamanqúlova.

Abai.kz