Respublikalyq referendum – elimizde jýrgizilip jatqan Konstitusiyalyq reformalardyng sheshushi kezeni. Bәrimizding ortaq bolashaghymyzgha qatysty sheshim qabyldanatyn syn saghatta dauys beruden shet qalmau – әrbir qazaqstandyq ýshin manyzdy borysh. Osy orayda, qogham ómirindegi aituly ózgeristerge qatysty týrli salanyng ókilderi óz pikirlerin bildirip jatyr. Olardyng ishinde óner maytalmandary men sportshylar, shygharmashylyq iyeleri de bar.

Belgili estrada júldyzy Úlyqpan Joldasov әleumettik jelide Konstitusiyalyq reforma turaly oiyn bildire kele, búnyng elimizding damuyna jana serpin berip qana qoymay, mәdeniyet pen óner salasynyng erkin órkendeuine de mýmkindik ashatynyn jazdy. 

«Mәdeniyet – últtyng ruhany tiregi. Sondyqtan últtyq qúndylyqtardy saqtap, zamanauy shygharmashylyqpen úshtastyru – ortaq mindetimiz», dedi әnshi.

Tanymal akter Erbolat Tólegen әleumettik jelige bólisken beynejazbasynda 15 nauryzda ótetin respublikalyq referendum Qazaq eli, óskeleng úrpaq ýshin manyzy erekshe, atauly kýn ekenin aitty.

«Qadirli dostar, zaman ózgerip jatyr, soghan baylanysty bizding Konstitusiyamyz da janaryp jatyr. Osy tústa referendumgha qatysu – әrbir Qazaqstan azamatynyng boryshy ekenin eske salghym keledi, osy kýnnen qalys qalmanyzdar», dep mәlimdedi ol.

Teatr jәne kino akteri Erkebúlan Dayyrov elimiz ýshin
manyzdy sheshim qabyldanatyn referendum kýni jana Konstitusiya jobasyna dauys beru – әr azamattyn jauapkershiligi ekenin jetkizdi. «Men óz tandauymdy jasaymyn. Men baramyn!» dep jazdy ol.

Jazushy Beybit Sarybaydyng aituynsha, referendum – tek dauys beru kýni ghana emes, elding keleshegin aiqyndaytyn manyzdy sayasy akt, әrbir azamattyng Otan aldyndaghy paryzy.

«Biz ýshin eng qymbat nәrse – elimizding bolashaghy, tynyshtyghy men damuy. 2026 jyldyng 15 nauryzynda respublikalyq referendum ótedi. Búl bizding әrqaysymyz ýshin ýlken jauapkershilik pen azamattyq mindet. Bizding tandauymyz – elding qúqyqtyq negizine, azamattyq qogham men demokratiya negizderine senimimiz ben bolashaghymyzgha jasalghan ýles. 15 nauryzda kelip, ózinning azamattyq ústanymyna say sheshim shyghar! Birge keleshegimizdi qalyptastyrayyq», dep jazdy ol.

Sonymen qatar Beybit Sarybay býginde әlem qarqyndy ózgerip jatqan uaqytta, elding keleshegi ýshin óz tandauyndy jasau – ózinning iydeyang men kózqarasyndy bildiruding naqty joly ekenin, referendumda әr dauys manyzdy, әr pikir qúndy bolatynyn eske saldy.

Elimizding sport sanlaqtary da Konstitusiyalyq reformalardy talqylaudan shet qalmady. Olimpiadanyng qola jýldegeri, dzudoshy Ghúsman Qyrghyzbaev sportta da, ómirde de jetistikke jetuding kilti – jauapkershilik pen tәrtip ekenin tilge tiyek etti.

«Árbir sportshy ýshin kók tudy jelbiretu – Otan aldyndaghy jogharghy marapat. Olimpiada tatamiyinde býkil halyqtyng demin sezinesin. Búl seni tabandy bolugha, erejeni saqtay otyryp kýresuge jәne jenis ýshin bar kýsh-jigerindi salugha mindetteydi. Shynayy jeniske temirdey tәrtip pen sport erejelerine qúrmetpen qaramay jete almaysyn. Ádil bәseke men jýieli tәrtip qana әlemdik dengeyde moyyndalugha jol ashady. Árbir beldesu komandanyng nәtiyjesi, әr sportshynyng jigeri men ýlesine baylanysty ekenin úghyndyrady. El ishindegi basty jetistikter de ortaq tәrtipten bastalady. Aldaghy referendum – býkil Qazaqstan ýshin әdil qaghidalardy bekitu mýmkindigi. Bizding bolashaghymyz – óz qolymyzda!» dep jazdy belgili sportshy.

Álemdik dodada Qazaq elining qorjynyna jýlde salyp jýrgen taghy bir tanymal dzudoshymyz Ábiba Ábujaqynova da alda kele jatqan referendumnyng manyzy jayynda oiymen bólisti. Ol óz sózin ómirdegi kýres tatamiydegi beldesuge úqsaytynynan bastady.

«Dzudodaghy jenis tatamiydegi әdis jasaudan emes, erejeni jaqsy biluden bastalady. Álemdik reytingke bastar jolda kezdeysoqtyq bolmaydy. Árbir әdis, әrbir qimyl sansyz jattyghudyng jәne sheshushi sәtte tolyq jauapkershilikti óz moynyna ala biluding nәtiyjesi. Tatamiyge shyqqanda artynda milliondaghan ýmit túrghanyn sezesin. Ol saghan sonyna deyin kýresuge kýsh beredi. Ýlken sportta tabys ózine adal bolyp, tandaghan jolyna berik boludan bastalady», degen sportshy bylayghy ómir de dәl sonday jauapkershilikti talap etetinin aitty.

«Sondyqtan aldaghy jana Konstitusiya boyynsha referendum – barshamyz ýshin manyzdy tandau sәti. Negizgi zangha engizilgen ózgerister әr azamatqa әdil mýmkindik berip, jastardyng qúqyghyn qorghaugha baghyttalghan. 15 nauryzda men elimizding bolashaghyn qorghap, osy reformalardy qoldap, referendumgha qatysamyn», dedi Á.Ábujaqynova.

Qazaqtyng mandayyna bitken shahmatshy qyzy Biybisara Asaubaeva da referendumnan tys qalmaytynyn anghartyp: «Men Qazaqstan atynan óner kórsetetin sportshy retinde ilgeri damitynymyzgha senemin, sonday-aq elimizding túraqtylyghy men keleshegine baghyttalghan reformalardy qoldaymyn», dep jazdy.

Abai.kz