Qaraghandyda oblystyq tarihiy-ólketanu múrajayyn auqymdy janghyrtu júmystary ayaqtaldy. Bir jarym jyl ishinde ekspozisiyalyq zaldar tolyq janartylyp, ghimaratqa jóndeu jýrgizildi. Endi ónir tarihy zamanauy formatta — mulitiymediyalyq jәne sifrlyq sheshimder, jasandy intellekt mýmkindikteri arqyly úsynylghan. Búl joba songhy jyldary oblystaghy muzey kenistigin janghyrtu baghytyndaghy eng iri ózgeristerding biri boldy.

Janartylghan múrajaydy alghashqylardyng biri bolyp Qaraghandy oblysynyng әkimi Ermaghanbet Bólekpaev, qogham ókilderi, ghalymdar men mәdeniyet qayratkerleri tamashalady.

Ónir basshysynyng aituynsha, múrajay býginde tarih jana formatta úsynylatyn zamanauy kenistikke ainalghan.

— Úsynylghan tәsil erekshe únady. Joba tanystyrylymynda kórgenimiz býgin tolyq jýzege asqan. Múnda oblysymyz ben elimizding tarihy ejelgi dәuirden býgingi kýnge deyin qamtylghan, әri jasandy intellekt pen zamanauy tehnologiyalar qoldanylghan. Kelushiler múny joghary baghalaydy dep senemin. Jobany jýzege asyrugha qatysqan barlyq mamandargha — qúrylysshylargha, sarapshylargha jәne muzey qyzmetkerlerine alghys aitamyn, — dedi Ermaghanbet Bólekpaev.

E. Bóketov atyndaghy Qaraghandy uniyversiytetining tarih fakulitetining dekany Jaras Kenjeghaly janartylghan ekspozisiya bilim beru júmystary ýshin manyzdy alang bolatynyn atap ótti.

— Ekspozisiya kólemdi týrde úsynylghan, Qaraghandy oblysynyng tarihyna qatysty kóptegen jana materialdar qosylghan. Biz búghan deyin de muzeymen tyghyz júmys istep keldik: studentterdi әkelip, tәjiriybeden ótkizdik. Endi búl júmys jana formatta jalghasady — studentter men magistranttar ýshin búl oqu men taghylymdamadan ótuge óte jaqsy baza, — dedi ol.

Mәdeniyet salasynyng ardageri Rymbala Omarbekovanyng pikirinshe, múrajay kelushiler ýshin anaghúrlym zamanauy әri tartymdy bola týsken.

— Men múrajaydyng búrynghy qalpyn jaqsy bilemin — ol da jaqsy bolatyn. Biraq býgin kórgenimiz mýlde basqa format. Zamanauy tehnologiyalardyng arqasynda kóne eksponattar tirilip ketkendey әser qaldyrady. Eng bastysy — ekspozisiya jastardyng qyzyghushylyghyn oyatady, — dedi mәdeniyet qayratkeri.

Qaraghandy tarihiy-ólketanu muzeyi 1932 jyly qúrylghan. Songhy reekspozisiya shamamen 15 jyl búryn jýrgizilgen. Jana dizayn-joba konkurs negizinde tandaldy. Júmystar bastalar aldynda múrajay qyzmetkerleri elimizdegi jәne sheteldegi jetekshi múrajaylardyng tәjiriybesin zerttegen.

Abai.kz