Resey men Ukraina arasyndaghy soghysty toqtatu turaly kelissózder Tayau Shyghystaghy shiyelenisterge baylanysty toqtap qaldy.

Resey taraby 19 nauryzda AQSh pen Izraili Irangha soghys bastaghannan keyin Vashington, Mәskeu jәne Kiyev arasyndaghy Ukrainadaghy soghysty toqtatu turaly kelissózder «jaghdaygha baylanysty kidirip» túrghanyn mәlimdedi.

Kremliding baspasóz hatshysy Dmitriy Peskov: «Búl aiqyn sebepterge baylanysty tuyndaghan ýzilis», - dedi. Ol Mәskeu «amerikalyq seriktesterimiz» Ukrainadaghy jaghdaygha qayt den qoyghannan keyin ýzilisting ayaqtalyp, kelissózderding jana kezeni ótkiziletininen ýmitti ekenin aitty.

Reyter agenttigi «Izvestiya» gazetining bas betindegi habargha silteme jasay otyryp, Kremli Ukraina boyynsha kelissózderding toqtatylghanyn rastaghanyn jәne Tayau Shyghystaghy soghys Kiyevti kelissózderde ymyragha keluge iytermeleui mýmkin ekenin atap ótkenin mәlimdedi.

Desede Ukraina preziydenti Zelenskiy ýzilisting uaqyty bitkenin әri Vashingtonnyng kelissózderdi qayta bastaugha dayyn synay bildirgenin aitady. Ol Ukraina ókilderining demalys kýnderine josparlanghan kelissózder ýshin Amerika Qúrama Shtattaryna bara jatqanyn jetkizdi. Kelissózderding jana kezenining naqty formaty men qatysushylary әli naqtylanbaghan.

Taghy da sol «Izvestiya» basylymyy Ukraina preziydentining elshisi Kirill Dmitriyev bastaghan Amerika Qúrama Shtattarymen ekonomikalyq jәne investisiyalyq yntymaqtastyq boyynsha kelissózder jalghasatynyn habarlady.

Ótkenge kóz jýgirtsek, Ukraina men Resey ótken jyly Týrkiyada, al biyl AQSh-tyng araaghayyndyghymen Abu-Daby men Jenevada kelissózder ótkizdi. Biraq  Ukraina Reseyding Donesk aimaghynan bas tartu talaby kelisken joq, eki jaqta kelispeushilikter әli de bar.

AQSh Últtyq barlau diyrektory Tulsy Gabbard aldynghy kýni Senattyng arnayy barlau komiytetinde Reseyding Ukrainagha qarsy soghysta «basymdylyghyn saqtap qalghanyn» mәlimdedi. Ol: «Mәskeu Kiyevting qarsylyq quaty men erik-jigerin әlsiretu maqsatynda kelisimge qol jetkizilgenge deyin soghysty jalghastyruy mýmkin», - dedi.

Resey preziydenti Putin beybitshilikti talqylaugha dayyn ekenin mәlimdedi. Degenmen, ol 2024 jyly soghysty ayaqtau ýshin úsynghan Kiyevting NATO-gha kiru josparynan resmy týrde bas tartyp, Resey talap etken tórt aimaqtan tolyghymen shyghu shartyn taghy da algha tartty.

Abai.kz