«AMANAT» fraksiyasynyng mýshesi Nartay Sәrsenghaliyev Premier-Ministr Oljas Bektenovting atyna deputattyq saual joldap, ózin «biyler kenesi» nemese «bi» dep ataytyn qoghamdyq úiymdardyng qyzmetine qatysty mәsele kóterdi.

Deputattyng aituynsha, tarihy túrghyda biyler instituty әdildik pen danalyqtyng simvoly bolghanymen, qazirgi tanda búl ataudy jamylghan keybir úiymdardyng әreketi qoghamda alauyzdyq tudyruy mýmkin. Ol múnday qúrylymdardyng keyde qúqyqtyq mәselelerge aralasyp, resmy memlekettik organdardyng funksiyalaryn qaytalap jatqanyn atap ótti.

Saualda naqty mysaldar keltirilgen. Atap aitqanda, ózin «biyler alqasy» dep tanystyrghan toptyng dauly әreketteri, sonday-aq liysenziyasy joq adamnyng ózin zanger retinde tanystyryp, azamattardy adastyru faktileri qoghamda rezonans tudyrghan.

Deputattyng mәlimetinshe, elimizde ondaghan «biyler» úiymy júmys isteydi jәne olardyng mýsheleri myndap sanalady. Alayda olardyng qyzmetining qúqyqtyq shekarasy naqty aiqyndalmaghan.

Osyghan baylanysty Nartay Sәrsenghaliyev birqatar úsynys berdi. Atap aitqanda, «biyler», «biyler kenesi», «bas bi» atauyn qoldanatyn úiymdardyng zang talaptaryn saqtauyn tekseru; olardyng memlekettik jәne kvaziymemlekettik qúrylymdardyng funksiyalaryn qaytalamauyn baqylaudy; qúqyq qorghau organdarynyng qúzyretine jatatyn mәselelerge aralasuyna jol bermeudi; qogham birligine núqsan keltiretin úiymdargha qúqyqtyq bagha beru.

Deputattyng pikirinshe, qúqyqtyq memleket jaghdayynda daulardy sheshu tek zang ayasynda jýzege asuy tiyis, al qoghamdyq úiymdardyng tórelik aituy ekiúday pikir qalyptastyruy mýmkin.

Abai.kz