Qazaqstandyq mektep bitirushiler ýshin Últtyq birynghay testileu (ÚBT) jýiesinde ýlken ózgerister kýtip túr. Ýkimet grant iyegerlerin irikteu sapasyn arttyru ýshin testileudi jylyna bir-aq ret tapsyru erejesine qayta oraludy josparlap otyr.

Grant taghdyry bir emtihangha baylanbaq

Songhy jyldary talapkerlerge negizgi ÚBT-ny eki ret tapsyrugha mýmkindik berilgen bolatyn. Alayda, QR Premier-ministrining orynbasary Aida Balaevanyng aituynsha, búl jýiege transformasiya qajet. Viyse-premier grantqa ýmitkerlerdi irikteude «bir rettik tapsyru» erejesin bekitu — bilim dengeyin obektivti jәne naqty baghalaudyng tóreshisi bolatynyn atap ótti.

«Biz jiberilgen kemshilikterdi týzeuimiz kerek. ÚBT-ny grant konkursyna qatysudyng obektivti jәne týpkilikti baghasy retinde bir-aq ret tapsyru erejesin bekitu qajet. Búl rette oqushynyng óz bilimin tekserip, dayyndyq әdisterin týzetui ýshin bayqau synaqtary saqtalady», — dedi Aida Balaeva.

Bolashaq múghalimderge — erekshe talap

Biylghy ózgerister tek testileu formatymen shektelmeydi. Ásirese, pedagogikalyq mamandyqtargha týsushiler ýshin talap kýsheymek. Kelesi jyldan bastap bolashaq múghalimder ÚBT-dan bólek, auyzsha emtihandar tapsyratyn bolady.

Emtihan barysynda abituriyenttin:

Syny oilau qabileti;

Kommunikativtik daghdylary;

Pedagogikalyq júmysqa psihologiyalyq dayyndyghy tekseriledi.

Qazirgi uaqytta halyqaralyq sarapshylarmen birlese otyryp, múghalim bolugha niyetti jastardyng әleuetin anyqtaytyn arnayy testileu jýiesi әzirlenude.

Biylghy format: Ázirge ózgeris joq

Janashyldyqtar aitylghanymen, 2026 jylghy týlekter ýshin testileu formaty aitarlyqtay ózgermeydi. Últtyq testileu ortalyghynyng mәlimetinshe, biylghy emtihannyng sipaty tómendegidey:

Súraq sany: 120 tapsyrma;

Eng joghary ball: 140;

Uaqyt: 4 saghat (240 minut);

Pәnder: 3 mindetti jәne 2 tandau pәni.

Ayta keterligi, elimizde qúny 3 million dollar bolatyn jana últtyq test әzirlenip jatyr. Bolashaqta búl test ÚBT-nyng balamasy bolyp, halyqaralyq dengeyde tanyluy mýmkin.

Este saqtanyz!

11 sәuirden bastap negizgi ÚBT-gha ótinish qabyldau bastaldy. Tirkelu 25 sәuirge deyin jalghasady. Talapkerler ótinishti Últtyq testileu ortalyghynyng resmy sayty (app.testcenter.kz) nemese UTO mobilidi qosymshasy arqyly bere alady.

Mamandardyng aituynsha, barlyq ózgerister kezen-kezenimen engiziledi. Maqsat — talapkerlerge artyq jýk salmay, olardyng tek jattaghan bilimin emes, sol bilimdi praktikada qoldana alu qabiletin tekseru.

Abai.kz