Dostyq kólik-logistikalyq torabynda jýk legi men tranzitti úlghaytu, ótkizu punktterin janghyrtu boyynsha naqty sharalar qabyldanuda. Mәselen, «Alakól» jana avtomobili ótkizu punktinde qozghalys jolaqtarynyng sany 2-den 6-gha deyin kóbeyip, ótkizu qabileti tәuligine 200-den 800-ge deyin, yaghny 4 esege úlghaydy. Sol siyaqty múnda jana sifrly tehnologiyalar engizilude – dep habarlaydy Jetisu oblysy әkimining baspasóz qyzmeti.

«Alakól» keden beketining bas mamany Aydyn Ángibaevtyng aituynsha, ótkizu beketinde qyzmet kórsetu tolyq sifrlandyrylghan.

– Búryn inspeksiyalyq tekseru kesheninen saghatyna 20 avtokólik ótetin bolsa, qazir jana tehnologiyanyng arqasynda ótkizu qabileti eki esege artyp, ótkizu uaqyty qysqardy. Eski tekseru kesheninde keden beketinen ótu ýshin jýrgizushiler kólikten týsuge mindetti edi, qazir týspeydi. Búryn kólikti skanerleuge 3-4 minut uaqyt ketetin, qazir búl kórsetkish edәuir jyldamdatyldy: sifrlandyrudyng nәtiyjesinde kólikting skanerlengen suretine taldau jasau pilottyq rejimde jasandy intelekt qoldanu arqyly atqarylady, – dedi ol.

Býginde punktterding ótkizu qabilettining artuyn eskere otyryp, kólik-logistikalyq ortalyqtardy damytu boyynsha belsendi júmys jýrgizilude.

Atap aitqanda, múnda tәuligine 3 myng avtomobili qabylday alatyn «A» sanatyndaghy «Dostyk Auto Hub» servis kesheni júmys istep túr. Keshenning atqarushy diyrektory Dәulet Múratúlynyng aituynsha,  «Dostyk Auto Hub» – halyqaralyq tasymaldardyng tiyimdiligin arttyru jәne jýrgizushilerding qauipsizdigin qamtamasyz etu maqsatynda shegarada qúrylghan zamanauy logistikalyq hab. Búghan shamamen 700 mln. tenge investisiya salyndy. Onyng qúramyna zamanauy qonaq ýi, tamaqtanu orny, shaghyn supermarket jәne «CarGoRuqsat» elektrondyq kezek ýshin tegin jinaqtau alany kiredi. Búl kólik qozghalysyn retteuge, kireberis joldargha týsetin jýktemeni azaytugha jәne shekaradaghy kezek kýtu uaqytyn qysqartugha mýmkindik beredi.

Búl pikirdi kólik jýrgizushiler de rastaydy.

– Men ózim Ázirbayjannan Qytaygha tauar satyp alu ýshin kelemin. «Alakól» ótkizu punkti arqyly alghash ret óttim. Múnda biz ýshin barlyq jaghday jasalghan. Elektrondy kezek úiymdastyrylghan, jayly demalugha arnalghan oryndar, ynghayly tegin avtotúraq, jaqsy tamaqtanatyn oryndary qarastyrylghan. Bәri ret-retimen, úqypty úiymdastyrylghan, - dedi jýrgizushilerding biri Imran Koklarov.

Sonday-aq múnda 1500 avtokólik qabyldaugha layyqtalghan «Digital silk road company», «Jibek Joly» uaqytsha saqtau qoymalary júmys istep túr.

Oghan qosa temirjol tasymaly baghyty boyynsha ótkizu quaty jylyna 470 myng konteyner bolatyn «ETT Dostyk» JShS kópfunksionaldy jýk tasymaldau terminaly qyzmet kórsetedi.

Atap ótsek, Memleket basshysynyng tapsyrmasymen ótken jyly «Dostyq-Moyynty» temirjol uchaskesinde ekinshi joldyng qúrylysy ayaqtaldy. Sonyng nәtiyjesinde «Dostyq-Moyynty» uchaskesining ótkizu qabileti 2 esege, yaghny tәuligine 12-den 20 júp poyyzgha deyin artty.

Abai.kz