Qazaqstan Respublikasy Ónerkәsip jәne qúrylys viyse-ministri Oljas Saparbekov Nuctech Kazakhstan kompaniyasynyng basshylyghymen kezdesu ótkizdi. Jiyngha sonday-aq Qazaqstan Respublikasy Preziydenti Ákimshiligi Basshysynyng orynbasary Ásel Janasova qatysty.

Kezdesu barysynda Qazaqstanda importty almastyru jәne elektrondy ónerkәsipti damytu baghdarlamasy ayasynda әlemdik naryqtaghy jetekshi kompaniyalardyng biri – Nuctech kompaniyasynyng tekseru-ótkizu jabdyqtaryn el aumaghynda óndiru mәselesi talqylandy.

Joba Memleket basshysynyng kólik-logistika salasyn damytu, tranzittik әleuetti arttyru, infraqúrylymdy janghyrtu jәne Qazaqstannyng Euraziya kenistigindegi bәsekege qabiletti hab retindegi pozisiyasyn nyghaytu jónindegi tapsyrmalaryn jýzege asyru ayasynda qolgha alynyp otyr.

Óndiris quattaryn iske qosu 2026 jyldyng sonyna josparlanyp otyr.

Joba ayasynda qauipsizdikti qamtamasyz etuge arnalghan zamanauy jýieler, onyng ishinde Kylin Ti jәne XT2100 innovasiyalyq tekseru keshenderi, sonday-aq jýk pen bagajdy tekseruge arnalghan eki proeksiyalyq CX180180D jәne CX100100D rentgen-televiziyalyq qondyrghylaryn shygharu kózdelgen.

Óndiris orny Almaty qalasyndaghy «Innovasiyalyq tehnologiyalar parki» arnayy ekonomikalyq aimaghynda ashylady.

Sonymen qatar joba ayasynda servistik ortalyqtar jelisi men qosalqy bólshekter qoymasyn qúru josparlanghan. Búl el aumaghyndaghy jabdyqtardyng ýzdiksiz júmysyn qamtamasyz etuge mýmkindik beredi.

Mamandardyng pikirinshe, búl joba Qazaqstandaghy elektrondy ónerkәsipting damuyna serpin berip, jana júmys oryndaryn ashugha, otandyq mamandardyng biliktiligin arttyrugha jәne sheteldik jetkizilimderge tәueldilikti tómendetuge mýmkindik beredi.

Otandyq óndiristing iske qosyluy eldi zamanauy tekseru jabdyqtarymen qamtamasyz etip qana qoymay, týzeu mekemeleri, temirjol vokzaldary, әuejaylar, memlekettik mekemeler men strategiyalyq nysandardaghy baqylau jýielerin janghyrtugha jol ashady. Sonymen qatar jabdyqtargha Qazaqstan aumaghynda tolyqqandy servistik qyzmet kórsetu mýmkindigi qalyptasady.

Abai.kz