قازاقستان رەسپۋبليكاسى ونەركاسىپ جانە قۇرىلىس ۆيتسە-ءمينيسترى ولجاس ساپاربەكوۆ Nuctech Kazakhstan كومپانياسىنىڭ باسشىلىعىمەن كەزدەسۋ وتكىزدى. جيىنعا سونداي-اق قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى اسەل جاناسوۆا قاتىستى.

كەزدەسۋ بارىسىندا قازاقستاندا يمپورتتى الماستىرۋ جانە ەلەكتروندى ونەركاسىپتى دامىتۋ باعدارلاماسى اياسىندا الەمدىك نارىقتاعى جەتەكشى كومپانيالاردىڭ ءبىرى – Nuctech كومپانياسىنىڭ تەكسەرۋ-وتكىزۋ جابدىقتارىن ەل اۋماعىندا ءوندىرۋ ماسەلەسى تالقىلاندى.

جوبا مەملەكەت باسشىسىنىڭ كولىك-لوگيستيكا سالاسىن دامىتۋ، ترانزيتتىك الەۋەتتى ارتتىرۋ، ينفراقۇرىلىمدى جاڭعىرتۋ جانە قازاقستاننىڭ ەۋرازيا كەڭىستىگىندەگى باسەكەگە قابىلەتتى حاب رەتىندەگى پوزيتسياسىن نىعايتۋ جونىندەگى تاپسىرمالارىن جۇزەگە اسىرۋ اياسىندا قولعا الىنىپ وتىر.

ءوندىرىس قۋاتتارىن ىسكە قوسۋ 2026 جىلدىڭ سوڭىنا جوسپارلانىپ وتىر.

جوبا اياسىندا قاۋىپسىزدىكتى قامتاماسىز ەتۋگە ارنالعان زاماناۋي جۇيەلەر، ونىڭ ىشىندە Kylin Ti جانە XT2100 يننوۆاتسيالىق تەكسەرۋ كەشەندەرى، سونداي-اق جۇك پەن باگاجدى تەكسەرۋگە ارنالعان ەكى پروەكتسيالىق CX180180D جانە CX100100D رەنتگەن-تەلەۆيزيالىق قوندىرعىلارىن شىعارۋ كوزدەلگەن.

ءوندىرىس ورنى الماتى قالاسىنداعى «يننوۆاتسيالىق تەحنولوگيالار پاركى» ارنايى ەكونوميكالىق ايماعىندا اشىلادى.

سونىمەن قاتار جوبا اياسىندا سەرۆيستىك ورتالىقتار جەلىسى مەن قوسالقى بولشەكتەر قويماسىن قۇرۋ جوسپارلانعان. بۇل ەل اۋماعىنداعى جابدىقتاردىڭ ۇزدىكسىز جۇمىسىن قامتاماسىز ەتۋگە مۇمكىندىك بەرەدى.

مامانداردىڭ پىكىرىنشە، بۇل جوبا قازاقستانداعى ەلەكتروندى ونەركاسىپتىڭ دامۋىنا سەرپىن بەرىپ، جاڭا جۇمىس ورىندارىن اشۋعا، وتاندىق مامانداردىڭ بىلىكتىلىگىن ارتتىرۋعا جانە شەتەلدىك جەتكىزىلىمدەرگە تاۋەلدىلىكتى تومەندەتۋگە مۇمكىندىك بەرەدى.

وتاندىق ءوندىرىستىڭ ىسكە قوسىلۋى ەلدى زاماناۋي تەكسەرۋ جابدىقتارىمەن قامتاماسىز ەتىپ قانا قويماي، تۇزەۋ مەكەمەلەرى، تەمىرجول ۆوكزالدارى، اۋەجايلار، مەملەكەتتىك مەكەمەلەر مەن ستراتەگيالىق نىساندارداعى باقىلاۋ جۇيەلەرىن جاڭعىرتۋعا جول اشادى. سونىمەن قاتار جابدىقتارعا قازاقستان اۋماعىندا تولىققاندى سەرۆيستىك قىزمەت كورسەتۋ مۇمكىندىگى قالىپتاسادى.

Abai.kz