Atyrauda býtin bir otbasyny qyryp saldy dep aiyptalghan Súltan Sәrsemәliyevting isi boyynsha sot prosesi bastaldy, dep habarlaydy Ertenmedia.kz.

Tergeu mәlimetinshe, kýdikti josparyn birneshe satygha bólip jýzege asyrghan. Aldymen әielining tughan bauyry Nauryzdyng ómirin qighan. Aragha jarty jyl salyp ata-enesi men qayyn әpkesin óltirgen. Áuletting et jaqyndary sottyng bastaluyn saryla kýtkenin aitady. Olar sottan tek әdil sheshim talap etip otyr.

«Bizge keregi? Bizge keregi әdildik. Osy kýndi óte úzaq kýttik. Ol (Sәrsemәliyev, red.) kinәsin tolyq moyyndady. Bәri әdil әri taza ótse eken», – deydi qaza tapqan Maqsút Múqanghaliyevting әpkesi Ásila Múqanghaliyeva.

Aghayyn-tuystarynyng aituynsha, әlgi oqighadan keyin «kýieubalanyn» otbasy olarmen baylanysqa shyqpaghan, aldyna jyghylyp, keshirim de súramaghan. Saraptama nәtiyjesi boyynsha, Sәrsemәliyevting aqyl-esi dúrys dep tanylghan. Maqsút Múqanghaliyevting taghy bir әpkesi Ádemi Shalmaghambetova aiyptalushynyng júbayy Aqbayannyng qazirgi hәl-ahualy turaly aqparat berdi.

«Qazir psihiatriyalyq auruhanada em-dom alyp jatyr. Oghan eshkimdi kirgizbeydi. Tek as-suy men qajetti zattardy ghana berip jiberemiz», – dedi ol.

Tuystary azappen ólgen otbasynyng qonyrtóbel ómir sýrgenin aitady.

«Mal ústap, zeynetaqymen kýn kórgen qarapayym otbasy-túghyn. Elden ilgeri de emes, keyin de emes, ortasha tirlik keship edi», – deydi olar.

Sot prosesining ә degendegi alghashqy otyrysyn sudiya Zәrema Hamidullina jýrgizude. Sәrsemәliyev? Tergeu dereginshe, «kýieubala» otbasy mýshelerin tegis óltirgen son, qoradaghy úsaq mal men iri qarany satyp, banktegi azyn-aulyq aqshany sheship, elden qashqan. Oghan eki nemese odan kóp adamdy óltiru; úrlyq-qarlyq jasau; alayaqtyq әreketter deytin birneshe bap boyynsha aiyp taghylyp otyr.

Al onyng júbayy Aqbayan Múqanghaliyevanyng qylmysqa qatysy bary dәleldenbegen, onyng ýstinen әzir bólek tergeu jýrude. Polisiya onyng psihikalyq jay-kýiine qatysty saraptama nәtiyjesin kýtude.

Ayta keteyik, Atyrau oblysy Jangeldin auylynda túratyn Qarabalinder otbasy 2025 jyldyng sonynda iz-týssiz joghalyp ketken. Keyin 66 jastaghy Maqsút Qarabalin men әieli Nәsip Óteshqaliyevanyng sýiegi ýiining aulasyndaghy saraydyng astynan tabylghan edi.

Sәrsemәliyev әielimen birge halyqaralyq izdeuge jariyalanyp, osy jyldyng aqpanynda Indoneziyanyng Baly aralynda ústalghan. Qazaqstangha qaytarylghan Sәrsemәliyev marqúmdardyng úl-qyzynyng sýiegi jasyrylghan oryndy da kórsetip bergen.

Abai.kz